شاراعا الماتى توتەنشە جاعدايلار دەپارتامەنتىنىڭ 100-دەن استام قىزمەتكەرى اتسالىسۋدا. ولار پەشپەن جىلىتاتىن ۇيلەردى ارالاي وتىرىپ، ءورت قاۋىپسىزدىگىنىڭ ماڭىزى تۋرالى ءتۇسىندىرۋ جۇمىستارىنا كىرىسكەن. بۇل شارا شاھارداعى «قاۋىپسىزدىك ءۇشىن - بىرگە» جانە «كومەك قولى» قاتارلى اكسيالارى اياسىندا وتۋدە.
مەملەكەتتىك ءورت باقىلاۋ باسقارماسىنىڭ باستىعى كونستانتين كانين اتاپ وتكەندەي، بۇل جۇمىس جىلۋ بەرۋ ماۋسىمى قارساڭىندا حالىق اراسىندا ءورت قاۋىپسىزدىگى شارالارىن پاندىك تۇسىندىرۋگە باعىتتالعان.
ونىڭ ايتۋىنشا، وتكەن جىلىتۋ ماۋسىمىندا تۇرعىن ءۇي سەكتورىندا 231 ءورت بولعان. 6 ادام كومىرتەگى توتىعىمەن جانە تاعى 5 ادام تابيعي گازبەن ۋلانۋ تىركەلدى.
«ءبىرىنشى كەزەكتە حالىقتىڭ الەۋمەتتىك وسال توپتارىنان شىققان وتباسىلار، سونداي-اق جالعىز تۇراتىن قارت ادامدار تۇراتىن ۇيلەر قامتىلادى. ەرەكشە باقىلاۋدا بىزدە قاتتى وتىنمەن جىلىتىلاتىن 727 جەكە ءۇي بار. بۇل جۇمىسقا جەكە قۇرامنىڭ 100-دەن استام ادامى جۇمىلدىرىلعان. ۇيلەردى تەكسەرۋ قورىتىندىسى بويىنشا دەمەۋشىلىك قاراجات ەسەبىنەن كومىرتەگى توتىعى داچيكتەرىن ورناتامىز. جالپى، 2018 جىلدان باستاپ ءحاوت ساناتىنداعى 1،4 مىڭعا جۋىق وتباسى ءۇيى كومىرتەگى توتىعى داچيكتەرىمەن جابدىقتالعان»، - دەدى كونستانتين كانين.
مامان كومىرتەگى توتىعىمەن ۋلانۋدىڭ الدىن الۋ شارالارىنا ەرەكشە نازار اۋدارىلاتىنىن اتاپ ءوتتى، ويتكەنى ونى تەك سەنسورلاردىڭ كومەگىمەن انىقتاۋعا بولادى.
«كومىرتەگى توتىعى تابيعي گاز تولىق جانباعان كەزدە پايدا بولادى. ونىڭ ءتۇسى دە، ءدامى دە، ءيىسى دە جوق. ونى تەك سەنسورلار مەن گاز اناليزاتورلارىنىڭ كومەگىمەن انىقتاۋعا بولادى. قۇرامىندا كومىرتەگى توتىعى بار اۋانىڭ 2-3 تىنىس الۋى ۋلانۋعا جانە ودان دا اۋىر زارداپتارعا اكەلەدى»، - دەدى ول.
كومىرتەگى توتىعىمەن ۋلانۋدى بولدىرماۋعا ارنالعان نەگىزگى ۇسىنىستار:
- گاز قۇرىلعىسىن جاعار الدىندا تارتقىشتىڭ بار-جوعىن تەكسەرىڭىز. ەگەر تارتۋ بولماسا-قۇرىلعىنى قوسۋ مۇمكىن ەمەس؛
- گاز قۇرىلعىلارىن پايدالانۋ كەزىندە تەرەزەنى اشىڭىز؛
- گاز جابدىعى ورناتىلعان ءۇي-جايعا اۋا كىرۋى كەرەك (جەلدەتكىش، پلاستيكالىق تەرەزەدەگى جەلدەتكىش كلاپان، جەلدەتكىش كانال)؛
- جەلدەتكىش توردى جاپپاڭىز نەمەسە بوگەمەڭىز؛
- قازاندىقتىڭ (سۋ جىلىتقىشتىڭ) ءتۇتىن مۇرجاسىنا قوسىلاتىن قۇبىرلارىنىڭ تىعىزدىعىن مەزگىل-مەزگىل تەكسەرىپ وتىرىڭىز؛
- تۇرمىستىق گاز پايدالاناتىن جابدىق ورناتىلعان ءۇي-جايلاردى ۇيىقتاۋ جانە دەمالۋ ءۇشىن پايدالانباڭىز؛
The ALnews
