الماتى قالاسى قوعامدىق دامۋ ورتالىعى قالالىق ىشكى ساياسات باسقارماسىمەن بىرلەسىپ، قازاقستان رەسپۋبليكاسى عىلىم جانە جوعارى ءبىلىم مينيسترلىگى عىلىم كوميتەتىنىڭ فيلوسوفيا، ساياساتتانۋ جانە ءدىنتانۋ ينستيتۋتىمەن بىرگە دوستىق ۇيىندە «پرەزيدەنت جولداۋى: مەملەكەتتىك جانە قوعامدىق دامۋدىڭ جاڭا باعدارلارى» تاقىرىبىندا ساراپشىلىق دوڭگەلەك ۇستەل وتكىزدى، - دەپ حابارلايدى alnews.
ءىس-شاراعا عىلىمي جانە ساراپشىلىق قاۋىمداستىق وكىلدەرى قاتىسىپ، مەملەكەت باسشىسىنىڭ جولداۋىندا ايقىندالعان نەگىزگى باسىمدىقتاردى، ەلدىڭ الەۋمەتتىك-ەكونوميكالىق دامۋىنىڭ وزەكتى ماسەلەلەرىن، مەملەكەتتىك باسقارۋدى جاڭعىرتۋ جانە پرەزيدەنت باستامالارىن ىسكە اسىرۋ پەرسپەكتيۆالارىن تالقىلادى.
ساراپتامالىق باياندامالارمەن قازاقستان ستراتەگيالىق زەرتتەۋلەر ينستيتۋتىنىڭ الماتى قالاسىنداعى وكىلدىگىنىڭ باسشىسى اسەل نازاربەتوۆا، فيلوسوفيا، ساياساتتانۋ جانە ءدىنتانۋ ينستيتۋتىنىڭ باس عىلىمي قىزمەتكەرلەرى ۆياچەسلاۆ دودونوۆ پەن اسقار شومانوۆ، ينستيتۋتتىڭ جەتەكشى عىلىمي قىزمەتكەرى دينا ەشپانوۆا، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پروفەسسورى، ساياساتتانۋ عىلىمدارىنىڭ دوكتورى جومارت سيمتيكوۆ، ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى، زاڭ عىلىمدارىنىڭ دوكتورى الۋا يبرايەۆا، سونداي-اق ۇلتتىق مەملەكەتتىك عىلىمي-تەحنيكالىق ساراپتاما ورتالىعى عىلىمي-تەحنيكالىق اقپارات دەپارتامەنتىنىڭ ديرەكتورى، ساياساتتانۋ عىلىمدارىنىڭ كانديداتى انتون موروزوۆ ءسوز سويلەدى.
تالقىلاۋ بارىسىندا ەكونوميكالىق دامۋدىڭ باسىم باعىتتارىنا، الەۋمەتتىك ينفراقۇرىلىمدى جاڭعىرتۋعا، ءبىلىم بەرۋ مەن يننوۆاسيالاردى دامىتۋعا، سونداي-اق مەملەكەت پەن قوعام اراسىنداعى ءتيىمدى كوممۋنيكاسيا ماسەلەلەرىنە ەرەكشە نازار اۋدارىلدى.
قازاقستان ستراتەگيالىق زەرتتەۋلەر ينستيتۋتىنىڭ الماتى قالاسىنداعى وكىلدىگىنىڭ باسشىسى اسەل نازاربەتوۆانىڭ پىكىرىنشە، پرەزيدەنت جولداۋى ەل دامۋىنىڭ ستراتەگيالىق باعدارلارىن ايقىنداپ قانا قويماي، مەملەكەتتىك ينستيتۋتتار مەن قوعامدىق قاتىناستاردى ودان ءارى ترانسفورماسيالاۋدىڭ ناقتى باعىتتارىن بەلگىلەيدى. بۇل رەتتە جۇيەلى تاسىلگە جانە قول جەتكىزىلگەن ناتيجەلەردى باعالاۋعا نەگىزدەلگەن باستامالاردى دايەكتى تۇردە ىسكە اسىرۋ ماڭىزدى مىندەت بولىپ تابىلادى.
ءوز كەزەگىندە، ۇلتتىق مەملەكەتتىك عىلىمي-تەحنيكالىق ساراپتاما ورتالىعى عىلىمي-تەحنيكالىق اقپارات دەپارتامەنتىنىڭ ديرەكتورى انتون موروزوۆ جولداۋدا بەلگىلەنگەن باسىمدىقتاردى ىسكە اسىرۋداعى عىلىمي جانە يننوۆاسيالىق الەۋەتتىڭ ماڭىزدىلىعىن اتاپ ءوتتى.
«بۇگىندە ەلدىڭ دامۋى عىلىمي جەتىستىكتەردى، زاماناۋي تەحنولوگيالار مەن يننوۆاسيالىق شەشىمدەردى ەكونوميكاعا جانە مەملەكەتتىك باسقارۋ جۇيەسىنە ينتەگراسيالاۋ مۇمكىندىگىنە تىكەلەي بايلانىستى. وسى تۇرعىدا عىلىمي ازىرلەمەلەردى تاجىريبەگە ەنگىزۋگە جانە عىلىم، مەملەكەت پەن قوعام اراسىنداعى ءوزارا ءىس-قيمىلدى نىعايتۋعا قاجەتتى جاعدايلار قالىپتاستىرۋ ەرەكشە ماڭىزعا يە»، — دەپ اتاپ ءوتتى ساراپشى.
دوڭگەلەك ۇستەلگە قاتىسۋشىلار پرەزيدەنت باستامالارىنىڭ ماڭىزدىلىعىنا قاتىستى ساراپتامالىق باعالارىن ۇسىنىپ، ولاردى پراكتيكالىق تۇرعىدا ىسكە اسىرۋ تەتىكتەرىن تالقىلادى جانە ەل دامۋىنىڭ وزەكتى باعىتتارى بويىنشا پىكىر الماستى.
ساراپشىلىق كەزدەسۋ كاسىبي ديالوگ ورناتۋعا، عىلىمي باعالارمەن الماسۋعا جانە مەملەكەتتىك ساياساتتىڭ ستراتەگيالىق مىندەتتەرىن تەرەڭ زەردەلەۋ تاسىلدەرىن تالقىلاۋعا ارنالعان ماڭىزدى الاڭعا اينالدى.
