قالا حالقىنىڭ كوبەيۋى جانە كولىكتەر سانىنىڭ ارتۋى الماتىنىڭ ينفراقۇرىلىمدارىنا جىل سايىن قىسىمدى كۇشەيتىپ كەلەدى. قالاداعى جولداردىڭ جالپى ۇزىنعىعى 3097 شاقىرىمدى قۇرايدى. دەگەنمەن، جىل سايىن وسى جولداردىڭ بەلگىلى بولىگى جوندەۋدى قاجەت ەتەدى.
سوڭعى جىلدارى الماتى قالاسىندا جوندەۋدى قاجەت ەتەتىن كوشە جولدارى دا كوبەيە ءتۇستى. بيىل كوكتەم ايلارىندا قالا تۇرعىندارىنان جول ساپاسىنا قاتىستى 400-دەن اسا شاعىم كەلىپ تۇسكەن بولاتى. بۇل ماسەلەنى كەشەندى رەتتەۋ ءۇشىن الماتى قالاسى اكىمدىگى جاعىنان قالاداعى جول جوندەۋ جۇمىستارىن ءار جىلى جوسپارلى تۇردە جۇرگىزىپ كەلەدى.
ايتالىق، 2023 جىلدىڭ وزىندە قالاداعى جالپى ۇزىندعى 200 شاقىرىمدىق 175 كوشەدە جول جابىندارى جاڭارتىلىپ،ورتاشا جوندەۋ جۇمىستارى جۇرگىزىلگەن بولاتىن. ال 2024 جىلى ورتاشا جوندەۋدەن 250 شاقىرىمداعى كوشە جولدارىن وتراشا جوندەۋدەن وتكىزۋ جوسپارلانعان.
ايتا كەتۋ كەرەك، جىل سايىنعى اۋقىمدى جول جوندەۋ جوسپارلارىنىڭ ىشىندە جول توسەمىن قالپىنا كەلتىرۋ نەمەسە جاڭارتۋ، سۋاعار، وتكەلدەر، ايالدامالار مەن جول جيەكتەرىن اۋىستىرۋ نەمەسە جاساۋ، زاقىمدالعان جول بولىكتەرىن قالپىنا كەلتىرۋ، كوشە قيىلىستارىنداعى، ايالدامالارداعى ينفراقۇرىلىمدىق نىسانداردى رەتكە كەلتىرۋ، قالاداعى كولىك قوزعالىسىنىڭ قولاينا قاراي جول باعىتتارىن نەمەسە كوشە اۋماعىن كەڭەيتۋ؛ اۆتوتۇراقتار، ۆەلوسيپەد جولدارىن، سونداي-اق جاياۋ جۇرگىنشىلەرگە ارنالعان جولداردى جاساۋ دا كىرەدى. قالانىڭ ينفراقۇرىلىمدارىنا تۇسەتىن قىسىمدى جەڭىلدەتۋ ءۇشىن قوسالقى شارالاردا قامتىلادى.
بۇنداي ورتاشا جوندەۋ جۇمىستارىن الماتى قالاسى مەردىگەرلەر ارقىلى جۇرگىزەتىندىكتەن، كەمىندە ءۇش جىلدىق كەپىلدىك تالاپ ەتىلەدى. ياعني، ءۇش جىلعا جوندەۋدەن وتكەن جولدارداعى جاڭا اقاۋلار مەردىگەرلەر جاعىنان تۇزەتىلىپ وتىرىرىلۋى ءتيىس.
بيىل ماۋسىم ايىندا قالا بويىنشا اۋقىمدى جول جوندەۋ جۇمىستارى باستالعان بولاتىن. ونىڭ باسىپ كوپ بولىگى قىركۇەيك ايىنا دەيىن اياقتالىپ پايدالانۋعا بەرىلدى. ماۋسىم ايىنا دەيىن قالا اۋداندارىنداعى 41 000 شارشى مەتر جولدىڭ توسەمى جوندەۋدەن وتكەن بولسا، جىل سوڭىنا دەيىن تاعى 310 مىڭ شارشى مەتر اسفالتبەتون جابىنى بار جولداردى جوندەۋ جوسپارلانعان.
The Alnews
