الماتى حايۋاناتتار باعىنا جارتى جىلدا جارتى ميلليوننان استام ادام بارعان

2026 جىلدىڭ العاشقى جارتىجىلدىعىندا الماتى حايۋاناتتار باعىنا 561 983 ادام باردى. بۇل تۋرالى قالالىق مادەنيەت باسقارماسىنىڭ وكىلدەرى حابارلادى.
 
التى اي ىشىندە مۇندا 62 ەكسكۋرسيا، مەرەكەلىك ءىس-شارا، ەكولوگيالىق دارىستەر جانە 150 بالا ءبىلىم الاتىن زوومەكتەپتىڭ ساباقتارى وتكىزىلدى.
 
حايۋاناتتار باعىنىڭ قورىندا جانۋارلاردىڭ 386 تۇرىنە جاتاتىن 4 مىڭنان استام ءتول بار. ولاردىڭ قاتارىندا قازاقستاننىڭ قىزىل كىتابىنا جانە تابيعاتتى قورعاۋدىڭ حالىقارالىق وداعىنىڭ قىزىل تىزىمىنە ەنگىزىلگەن سيرەك تۇرلەر دە كەزدەسەدى.
 
الەۋمەتتىك قولجەتىمدىلىككە ەرەكشە كوڭىل بولىنەدى. جەتىم بالالارعا، ەرەكشە قاجەتتىلىگى بار بالالارعا جانە مامانداندىرىلعان مەكەمەلەر تاربيەلەنۋشىلەرىنە حايۋاناتتار باعىنا تەگىن كىرۋ مۇمكىندىگى قاراستىرىلعان.