الماتى گۋمانيتارلى-ەكونوميكالىق ۋنيۆەرسيتەتىندە حالىقارالىق جارىستاردا جوعارى ناتيجە كورسەتكەن سپورتشىلارعا ءبىلىم بەرۋ گرانتىن تابىستاۋعا ارنالعان سالتاناتتى ءىس-شارا وتەدى، - دەپ حابارلايدى alnews.
ۋنيۆەرسيتەت قۇرىلتايشىسى سوفيا ارعىن قىزى سۋيۋبايەۆانىڭ قولداۋىمەن باكۋدە وتكەن دزيۋدودان الەم چەمپيوناتىنىڭ كۇمىس جۇلدەگەرى داۆلاتوۆ شەرزود راحيموۆيچكە جانە 2026 جىلعى حح جازعى ازيا ويىندارىنىڭ قۇزعا ورمەلەۋدەن قولا جۇلدەگەرى توقتاروۆ دامير ماناسوۆيچكە ۋنيۆەرسيتەت گرانتى بەرىلەدى.
گرانت يەگەرلەرى الماتى گۋمانيتارلى-ەكونوميكالىق ۋنيۆەرسيتەتىنىڭ باكالاۆرياتىنداعى 6ۆ01422 (ءىر) – «دەنە شىنىقتىرۋ جانە سپورت» ءبىلىم بەرۋ باعدارلاماسى بويىنشا ءبىلىم الادى.
شەرزود داۆلاتوۆتىڭ الەم چەمپيوناتىنداعى كۇمىس جۇلدەسى مەن دامير توقتاروۆتىڭ ازيا ويىندارىنداعى قولا مەدالى – قازاقستاندىق سپورتشىلاردىڭ حالىقارالىق ارەناداعى جوعارى ناتيجەلەرىنىڭ ايعاعى.
ۋنيۆەرسيتەتتىڭ بۇل باستاماسى سپورتتاعى جەتىستىكتى بىلىممەن ۇشتاستىرىپ، چەمپيونداردىڭ كاسىبي دامۋىنا مۇمكىندىك بەرۋدى كوزدەيدى. ءبىلىم بەرۋ گرانتى سپورتشىلارعا قولداۋ كورسەتۋمەن قاتار، جاستاردى سپورتپەن اينالىسۋعا جانە ءبىلىم الۋعا ىنتالاندىراتىن ماڭىزدى باستاما بولماق.
كۇنى: 12 قازان 2026 جىل
ۋاقىتى: 11:00
وتەتىن ورنى: الماتى قالاسى، اقساي-3 شاعىن اۋدانى، 36
