2026 جىلعى 20 ناۋرىزدا الماتى قالاسىندا ورنالاسقان قازاق سپورت جانە تۋريزم اكادەمياسى بازاسىندا ماڭىزدى وقيعا ءوتتى. اكادەميا پرەزيدەنتى، پروفەسسور قايرات زاكيريانوۆ «كەمەل توقايەۆ» وردەنىمەن ماراپاتتالدى.
بۇل ماراپات عىلىم مەن ءبىلىم سالاسىندا جوعارى ناتيجەلەرگە قول جەتكىزگەن، سونداي-اق قوعام دامۋىنا ەلەۋلى ۇلەس قوسقان ازاماتتارعا بەرىلەدى.
وردەن قازاقتىڭ كورنەكتى جازۋشىسى، ۇلى وتان سوعىسىنىڭ ارداگەرى كەمەل توقايەۆ ەسىمىمەن اتالادى. ول مايدانداعى ەرلىگى ءۇشىن ءبىرقاتار مەملەكەتتىك ناگرادالارعا يە بولىپ، كەيىن قازاق ادەبيەتىندە دەتەكتيۆ جانرىنىڭ قالىپتاسۋىنا ۇلەس قوسقان.
ماراپاتتى رەسپۋبليكالىق «ەر نامىس» قوعامدىق بىرلەستىگىنىڭ ءتوراعاسى ەربولات ءاليادين تابىستادى.
ايتا كەتەيىك، قايرات زاكيريانوۆتىڭ بۇل ماراپاتقا يە بولۋى ونىڭ عىلىمدى دامىتۋعا جانە جاس مامانداردى دايارلاۋعا قوسقان ۇلەسىنىڭ جوعارى باعالانعانىن كورسەتەدى.
