Almaty ákimi Erbolat Dosaev Túrksib aýdanyn aralaý barysynda Zakarpatskaıa kóshesi boıyndaǵy sýmen jabdyqtaý jáne sý burý jelileriniń qurylysymen tanysty.
2014 jyly Almaty oblysynan Almatyǵa qosylǵan ýchaskede ortalyqtandyrylǵan komýnıkasıalar bolǵan joq. Turǵyndar óz kúshimen ujymdyq sý qubyryn tartyp, sý burý úshin septıkterdi paıdalandy. Ýaqyt óte kele, paıdalaný kezinde tozǵan sý qubyry júktemelerdi kótere alma sebebinen, sýmen jabdyqtaýda úzilister jıilep ketti.
Bul máseleni sheshý úshin Túrksib aýdanynyń ákimdigi 4,8 km sý qubyry, 1,6 km káriz jáne eki káriz sorǵy stansıasy (KSS) qurylysynyń jobasyn ázirledi. Qurylys-montaj jumystary 2022 jyly bastalyp, sol jyldyń maýsym aıynda aıaqtaldy.
Búgingi tańda ınjenerlik jelilerdi tóseý jumystary aıaqtaldy, biraq jobada ekeýi qarastyrylǵanymen, tek bir KSS ornatyldy. Osyǵan baılanysty aǵymdaǵy jyldyń tamyz aıynda Túrksib aýdanynyń ákimdigi merdiger uıymdy jumystardy tolyq oryndamaǵany jne ýaqyty jaǵynan úlgermegeni úshin sotqa talap-aryz berdi. Sot isti qaraýda.
Jumys barysymen tanysý barysynda Erbolat Dosaev qurylysty sońyna deıin jetkizýdi jáne obektilerdi paıdalanýǵa berýdi jedeldetýdi tapsyrdy. Aýdan ákimi ekinshi KSS osy jyldyń jeltoqsan aıynda ornatylatynyna sendirdi. Nátıjesinde ortalyq komýnıkasıalarmen 300-den astam turǵyn turatyn 70 úı qamtylady.
Qala ákimi Erbolat Dosaevtyń bastamasy boıynsha qabyldanǵan ınjenerlik komýnıkasıalardy ustaýdyń jańa erejelerin eskere otyryp, asfáltbeton jabynyn qalpyna keltirý júrgizilgenin atap ótken jón. Eger buryn jol tósemi tek transheıa arqyly qalpyna keltirilse, qazir joldyń búkil eni boıynsha qalpyna keltiriledi.
