Ekologıalyq taza qala árbir turǵynnyń ortaq jaýapkershiligimen júzege asady. Keshe, 3 jeltoqsanda qalamyzdyń ekologıalyq jaǵdaıyn taqyryp etken dóńgelek ústelde osyndaı tujyrym jasaldy. Ál-Farabı atyndaǵy QazUÝ Fılosofıa jáne saıasattaný fakúltetinde ótken sharaǵa saladaǵy ǵalymdar, oqytýshy-professorlar, doktoranttar men stýdentter qatysqan bolatyn.
«Almaty qalasynyń ekologıaly jaǵdaıy» atta dóńgelek ústeldi atalǵan fakúltettiń Pedagogıka jáne bilim berý menedjmenti kafedrasy uıymdastyrdy. İs-sharanyń tizginin ustaǵan M.Amırkanov dóńgelek ústeldiń maqsatymen tanystyra otyryp, barlyq qatysýshylardy qala ekologıansyna kóńil burýǵa shaqyrdy. Talqy barysynda sóz alǵan kafedra meńgerýshisi Nursulý Algojaeva qalamyzdyń ekologıalyq basty problmalary jóninde aıtyp ótti. Sonymen birge qala turǵyndaryn jáne barlyq jastardy sanaly túrde qorshaǵan orta máselesine nazar aýdaryp, ony qorǵaýǵa degen jaýapkershiligin joǵarlatý asa mańyzdy ekenin basa aıtyp keti. Ári bul atalǵan is-sharanyń da basty maqsatynyń biri ekenin belgiledi.
Sonymen qatar oqytýshylar quramynan A.Q.Dúısenbaev, E.T.Baıarystanova, sondaı-aq Qonaev ýnıversıtetiniń profesory M.A.Sadyqov qatarly qatysýshylar men qonaqtar kezegimen sóz aldy. Sondaı-aq, talqyǵa qatysqan stýdentter de taqyrypqa saı óz oılaryn ortaǵa saldy.
Sharanyń basty máni stýdentterdiń de qala ekologıasyna qatysty ózderiniń jańa oılaryn ortaǵa salýy boldy. Aıtalyq, 4-kýrs stýdentterinen Salybaı Baljan «Synyptan tys jumystar arqyly oqýshylarǵa ekologıalyq tárbıeni qalyptastyrý» atty jumysynda mundaı tárbıeni orta bilim berýden bastaý kerektigin alǵa tartsa, Jumabaeva Alýanyń «Klımattyń ózgerýi jáne Almaty qalasynyń ekologıalyq bolashaǵy» degen problemalyq zertteýi stýdentterge úlken oı saldy. Al Ibatolla Nur «Aspan astyndaǵy qala: Almatyny smogtan qalaı qutqaramyz?» degen baıandamasyn tanystyryp, ózekti problemanyń mańyzyn ashyp kórsetti.
Dóńgelek ústel barysynda profesor Murat Sadyqov Almaty shaharynyń ekologıalyq týrızmniń jastar úshin múmkindikteri men paıdasyna jan-jaqty toqtaldy. Dóńgelek ústelge qatysýshylar spıkerlerge suraqtar qoıyp, dóńgelek ústel tartymdy ótti. Dóńgelek ústel jumysyn pedagogıka jáne bilim berý menedjmenti kafedrasy meńgerýshisiniń ǵylym jáne ınovasıalar jónindegi orynbasary A.Q.Dúısenbaev qorytyndylap jastarǵa ekologıany birge qorǵaý kerektigin basa aıtyp, is-sharaǵa qatysýshylarǵa alǵysyn bildirdi.
