Osy aptada AQSH-tyń ara aǵaıyndyǵy men Izraıl jáne Lıvan ortasynda kelissózderdiń alǵashqy qadamy jasaldy. AQSH Memlekettik departamentiniń ókilderi kelissózderdi alǵashqy adymda talqylaý úshin ótken demalys kúnderi Lıvanǵa barǵan bolatyn.
Amerıkalyq dıplomattardyń Lıvanǵa barýy AQSH memlekettik hatshysy Entonı Blınkenniń aımaqtaǵy jumys sapary tusynda jasaldy. Ol byltyr qazannan beri Taıaý-SHyǵysqa 11 ret saparlap otyr.
Soǵys negizinen Izraıl men Hezbolla ıslamshyl toby ortasynda bolyp jatqandyqtan, amerıkalyq dıplomattarmen atalǵan uıym ókili kezdesti. Lıvannyń premer-mınıstrimen de AQSH ókilderi jeke kezdesý ótkizgen.
Aıta keteıik, jaqynda ǵana Izraıl arnaıy operasıalar arqyly Hezbolla basshysyn jáne onyń ornyna taǵaıyndalǵaly jatqan izbasaryn da óltirgen bolatyr. Qazir Hezbollany uıym ishindegi bedeldi jetekshiler birlesip basqaryp otyr degen málimetter bar.
Al AQSH delegasıasymen Hezbolla tarabynan Nabıb Berır kelissóz ótkizgen. Ol eldegi shıt musylmandarynyń joǵary jetekshileriniń biri bolyp sanalady.
Amerıkalyq dıplomatıa qyzmetkerleriniń Beırýtqa barǵanyna qaramastan, Izraıl Lıvanǵa qarata áýe shabýyldaryn toqtatqan joq. Sońǵy kúnderi Izraıl kúshteriniń nysanasyna lıvandyq bank ǵımarattary da ilinýde. Olar bankterdi Hezbollany qarjylandyrýǵa kómektesip jatyr dep aıyptaıdy.
