Reseıdiń Prezıdenti osyǵan deıin, 18 mamyrda Qazaqstan Respýblıkasynyń Prezıdenti Qasym-Jomart Toqaevpen telefon arqyly sóılesken edi, - dep habarlaıdy alnews.
Ózbekstan Respýblıkasy Prezıdentiniń resmı saıtynyń taratqan aqparatyna súıensek, Shavkat Mırzıeev pen Vladımır Pýtın 21 mamyrda telefon arqyly sóılesken. Taraptar ásirese saýda-ekonomıkalyq jáne mádenı-gýmanıtarlyq salaǵa asa mán bergen.
"Taýar aınalymynyń kólemin arttyrý, jetekshi kásiporyndardyń kooperasıa jobalaryn iske asyrý jáne mádenı-gýmanıtarlyq almasý baǵdarlamalaryn, onyń ishinde óńiraralyq baılanystardy jandandyrý jolymen ilgeriletý máselelerine erekshe nazar aýdaryldy", - dep habarlaǵan Ózbekstan tarapy.
Sonymen qatar, eki el basshylary ózbek-reseı kópjosparly yntymaqtastyǵyn odan ári keńeıtý, jan-jaqty strategıalyq áriptestik pen odaqtastyq qarym-qatynastaryn nyǵaıtý máselelerin talqylady.
Esterińizge sala keteıik, Qasym-Jomart Toqaev pen Vladımır Pýtın Qazaqstan men Reseı arasyndaǵy strategıalyq seriktestik jáne odaqtastyq rýhyndaǵy qatynastardy odan ári nyǵaıtýǵa nıetti ekenin rastaǵan bolatyn.
