Memleket basshysy Qasym-Jomart Toqaev 20 mamyrda Reseıdiń SİM basshysy Sergeı Lavtovdy Aqordada qabyldady. Sergeı Lavrov buǵan deıin QR Premer-Mınıstriniń orynbasary – Syrtqy ister mınıstri Murat Nurtileýmen kezdesý ótkizgen edi.
Qabyldaý barysynda Memleket basshysy Reseı dıplomatyna iltıpat bildire otyryp, eki eldiń qatynastary strategıalyq seriktestik jáne odaqtastyq rýhynda qarqyndy damyp kele jatqanyn atap ótti. Bir qyzyǵy Reseıdiń syrtqy saıası vedomstvosy bergen aqparatta M. Nurtleýmen bolǵan kezdesý barysynda odaqtastyq jáne strategıalyq seriktestikti nyǵaıta beremiz dep jazylǵan. Iaǵnı, ár eldiń bul tusta jeke múddesi eskerilgen sıaqty. Árıne bul zańdy qubylys.
Sonymen qatar, "saýda-ekonomıkalyq yntymaqtastyqty odan ári nyǵaıtý jáne ınvestısıalyq-ónerkásiptik kooperasıany ilgeriletý máselelerine erekshe nazar aýdaryldy" - dep habarlaǵan Aqorda. Al Qazaqstannyń SİM M. Nurtleý reseılik áriptesimen kezdesý kezinde "taraptar saıası, saýda-ekonomıkalyq, ınvestısıalyq jáne mádenı yntymaqtastyqtyń keń aýqymdy máselelerin talqylady", - delingen. Iaǵnı, saıası máseleler mınıstrler deńgeıinde talqylanǵan kórinedi.
Sergeı Lavrovtyń 20-21 mamyrda Astanaǵa keletini týraly kórshi eldiń syrtqy saıası vedomstvosy 19 mamyrda habarlaǵan bolatyn. Habarlamada SHYU syrtqy ister mınıstrler keńesindegi Reseıdiń otyrystan kútetin nátıjeleri týraly aıtylǵan. Máskeý ásirese uıymnyń syrtqy saıası máselelerine basa nazar aýdaryp otyr. Atap óter bolsaq:
1. Máskeý úshin jaǵa jahandyq tártip arhıtektýrasyn qurý máselesi negizgi taqyryp bolmaq. Reseı bul baǵytta teń jáne bólinbeıtin Eýrazıa kontýryn qurýǵa, sonymen qatar oǵan syrttan qolsuǵýshylyqqa jol bermeýge múddeli.
2. Gaza sektoryndaǵy jáne jalpy Taıaý Shyǵystaǵy jaǵdaı boıynsha pikir almasý. Ásirese palestına-ızraıl qaqtyǵysyn retteý máselesine baza nazar aýdarylady.
3. Sonymen qatar Aýǵanstandaǵy turaqtylyq máselesi Máskeýdiń basty nazarynda.
20 mamyrda Sergeı Lavrov Astanada birneshe mańyzdy kezdesý ótkizdi. Ol aldymen QHR Syrtqy ister mınıstri Van I-men kezdezdi. Keıin QR Premer-Mınıstriniń orynbasary – Syrtqy ister mınıstri Murat Nurtileýmen kezdesip, Memleket basshysy Qasym-Jomart Toqaevtyń qabyldaýynda boldy.
S. Lavrovtyń kezdesýlerdegi kezektiliktiń ózinde saıası astar bar. Van I-men kezdesý arqyly aldaǵy ótetin uıymǵa múshe memleketterdiń syrtqy ister mınıstrleri keńesinde qarastyrylatyn máseleler boıynsha ýaǵdalastyqqa kelý. Sonymen qatar, 16-17 mamyrda Reseı prezıdenti V. Pýtınnniń Qytaıǵa resmı sapary barysynda eki el arasyndaǵy kelisimderdi júzege asyrý. Reseı-Qytaı arasyndaǵy jan-jaqsy seriktestik qatynas pen strategıalyq ózara áreketti ómirsheń etý úshin kezdesty.
Sonymen qatar kezdesýde kelesi máseleler talqylandy:
1. Reseı men Qytaıdyń syrtqy saıası vedomstvolarynyń basshylary uıymǵa múshe memleketterdiń Eýrazıadaǵy beıbitshilik pen turaqtylyqty qoldaý jónindegi ujymdyq kúsh-jigerin quptap, Uıymnyń álemdik jáne óńirlik isterdegi ósip kele jatqan bedelin atap ótti.
2. BUU men onyń Qaýipsizdik Keńesinde, SHYU-da, BRICS-te, «G-20», ATEÁ-te jáne basqa da negizgi halyqaralyq uıymdar men dıalogtyq tetikterde ózara úılestirýdi arttyrýǵa eki jaqty nıet rastaldy. Taıaý Shyǵysty retteýdi, Qyzyl teńiz ben Koreı túbegindegi jaǵdaıdy qosa alǵanda, birqatar «qyzý» taqyryptar talqylandy. Eýroatlantıkalyq tetikterdiń toqyraýy aıasynda eýrazıalyq qaýipsizdiktiń jańa arhıtektýrasyn qurý qajettiligi atap ótildi.
3. S. Lavrov Ýkraına daǵdarysyn retteý jónindegi salmaqty, teńgerimdi ustanymy úshin qytaılyq áriptesterine rızashylyǵyn bildirip, QHR Tóraǵasy Sı Szınpınniń Reseı men Ýkraına teń quqyly qatysqan jaǵdaıda beıbit konferensıa uıymdastyrý, qaýipsizdik pen qazirgi ahýal salasyndaǵy Máskeýdiń zańdy múddelerin eskerý jónindegi usynysyn quptady.
4. Azıa-Tynyq muhıty óńirindegi ahýal boıynsha AQSH pen onyń odaqtastarynyń ATÓ jekelegen elderin qaýipsizdiktiń aseanoortalyq júıesin buzatyn túrli tar blokty formattarǵa tartý, óńirge qarýlanýdyń turaqsyzdandyrýshy júıelerin ornalastyrý jónindegi arandatýshylyq qyzmetin jandandyrý turǵysynan tereń pikir almasý ótti.
5. Taraptar Taıvan máselesinde QHR ishki isterine úshinshi elderdiń aralasýyn biraýyzdan aıyptady. 20 mamyrda Taıvan «prezıdenti» qyzmetine kirisý rásimi aıasynda Reseı SİM basshysy Máskeýdiń «bir Qytaı» qaǵıdasyn berik ustanatynyn rastady.
Alǵashqy eki máselede eki taraptyń da múddeleri eskerilgen. Al úshinshi másilede Reseıdiń, sońǵy ekeýinde Qytaıdyń múddesi kórinedi.
Eldiń syrtqy saıasaty Alnews-ń baqylaýynda.
