Sálem Entertainment óz jobasyna qatysty jańa aqparatty jarıalady, - dep habarlaıdy alnews. «Dospehı Boga: Últımatým» kartınasynyń rejıseri jeke ózi Djekı Chan tańdaǵan qazaqstandyq Robert Kýn bolady.
Robert Kýn qazaqstandyq aýdıtorıaǵa Rústem Omarovtyń MEOW, OFFSIDE jáne «Patrúl: Poslednıı prıkaz» fılmderindegi rólderimen tanys. Biraq halyqaralyq kásibı kınoqoǵamdastyq úshin Robert 20 jyldan astam ýaqyt boıy ekshn-sahnalardyń ózin dáleldegen rejıseri bolyp tabylady. Ol Disney, Paramount, 20th Century Fox, Universal, MGM stýdıalarynyń jobalarynda jumys istedi, «Dnevnoı dozor», «Osobo opasen», «Prezıdent Lınkoln: Ohotnık na vampırov», «Ben-Gýr», «On – drakon», «Vremá pervyh», «Maıor Grom: Igra» fılmderin jáne TMD-daǵy eń kasalyq franshıza – «Poslednıı bogatyr» barlyq jobalaryn jasaýǵa qatysty.
Budan basqa, Robert tek shetelde jáne Sálem Entertainment-tiń iri jobalary úshin eksklúzıvti jumys isteıtin qazaqstandyq Action Studio Kun-Do-nyń jetekshisi bolyp tabylady.
«Men úshin osyndaı deńgeıdegi halyqaralyq jobany basqarǵan rejıser bolý úlken mártebe. Bala kezimizdegi fılmderge tánti bolǵan adammen ıyq tirestire jumys isteıtinime áli de sene almaımyn. Bizdiń búkil tobymyz bul jobanyń otandyq kınematografıanyń damýyna serpin berýin maqsat etedi, osy úshin qazaqstandyq mamandar tartylady. Bul úlken jaýapkershilik, kórermenderimiz ben otandastarymyzdyń qoldaýyna senemiz», – dep atap ótti Robert Kýn.
«Dospehı Boga: Últımatým» fılminiń túsirilimi 2026 jyldyń kókteminde bastalady. Alda áli akterler quramy men jobanyń aýqymy týraly kóptegen jańalyqtar bar. Ne kútip turǵanyn birinshi bolyp bilý úshin @salem.entertainment resmı paraqshalaryndaǵy jańartýlardy qadaǵalańyz.
