Qytaıdyń jeńil avtokólik agenttiginiń málimetinshe, sáýirde Brazılıaǵa satylatyn elektr men gıbrıdti kólikter eksporty eýropalyq el Belgıadan 13 ese asyp túsken, - dep habarlaıdy alnews.
Brazılıa naryǵynda bıyl sáýirde 40 myńnan astam qytaılyq kólik satylǵan. Eksport kóleminiń ósýiniń saıası astary da bar.
Qytaılyq avtokompanıalar Eýropalyq Odaq pen AQSH bıliginiń shekteýleri saldarynan bolatyn shyǵyndy ózge elderdegi saýdany arttyrý arqyly jappaq. AQSH Prezıdenti Jo Baıden qytaılyq elektrkólik kompanıalaryna salyqty kóbeıtýge sheshim qabyldady. EO ta zańnamalyq shekteýler engizýde. Eki tarapty da aıyptaýǵa bolmaıdy. Sebebi, biri óz naryǵyn syrtqy básekeden qorǵasa, ekinshisi eksport kólemin arttyrýǵa tyrysýda.
Agenttiktiń málimetine súıensek, qytaı avtokólikterin eksporttaý kólemi boıynsha Reseı birinshi orynda tur. Sarapshylardyń pikirinshe, mundaı tendensıa aldaǵy ýaqytta da saqtalady.
Belgıadan bólek, eksport kólemi eýropanyń Ispanıa, Norvegıa, Nıderlandy, Fransıa sıaqty elderinde de azaıǵan.
