Almaty turǵyndary men qonaqtary «Kók-Tóbe» saıabaǵyndaǵy jańa jaıaý júrginshiler jolyn baǵalady. Almaty turǵyndarynyń «Kók-Tóbege» ótinishterin eskere otyryp, qala ákiminiń tapsyrmasy boıynsha 2023 jyldyń qazan aıynda jeke ınvestısıalar esebinen uzyndyǵy 1,2 km jaıaý júrginshilerge arnalǵan densaýlyq jolynyń qurylysy bastaldy. Buryn saıabaqqa jaıaý barý qıyndyq týǵyzatyn ári qaýipti bolaty. Densaýlyq jolynyń iske qosylýymen bul másele sheshimin tapty. Búgingi tańda ótkizý qabileti kúnine 10 myń adamǵa jetedi, - dep habarlaıdy alnews Almaty qalasy ákimdiginiń baspasóz qyzmetine silteme jasap.
«Almaty turǵyndary men qonaqtary úshin densaýlyq joldaryn jasaý-úlken jetistik. Endi barlyǵy «Kók-Tóbege» jaıaý baryp, taýlar men aınalanyń tańǵajaıyp kórinisterin tamashalaı alady. Buryn júrginshi joly avtomobılder únemi qozǵalatyn jolda bolatyn, bul yńǵaısyz ári qaýipti. Jańa soqpaq joldar - yńǵaıly ári densaýlyqqa da paıdaly», - dedi Almaty turǵyny Eldos Sapýnov.
«Men munda jıi kelemin. Munda skandınavıalyq serýendeý áldeqaıda yńǵaıly boldy. Alańda ornalasqan oryndyqtar men ýrnalar da paıdaly. Bizdiń qaýipsizdigimiz úshin beınebaqylaý kameralary ornatylǵan. Osyndaı jaıly jáne qaýipsiz keńistik qurǵany úshin úlken alǵysymdy bildiremin», - dedi Almaty turǵyny Arýjan Smaılova.
«Kók-Tóbe» saıabaǵynyń ókili Farhad Ýálı atap ótkendeı, kelýshilerge yńǵaıly bolý úshin búkil marshrýtta jaryqtandyrý, beınebaqylaý, oryndyqtar men ýrnalar jabdyqtalǵan.
«Búgingi tańda asfálttaý men bordúrlerdi jasaýdy qosa alǵanda, negizgi qurylys jumystary aıaqtaldy. Jaqyn arada irgeles aýmaqty abattandyrý bastalady. Marshrýt bastalar aldynda saıabaq aımaǵy qurylady, onda buryn abattandyrylmaǵan ýchaske bolǵan. Almaty ákimi Erbolat Dosaevtyń tapsyrmasy boıynsha turǵyndardyń ótinishteri arqasynda kelýshiler úshin qolaıly jaǵdaılar jasaldy. Osylaısha, óz qarajatymyzben biz jaıaý júrginshilerge yńǵaıly jol sala bastadyq. Búgin kelýshiler munda jaıly serýendeıdi, júrgen qadamdaryn esepteıdi», - dedi Farhad Ýalı.
Sonymen qatar, demalýshylarǵa yńǵaıly bolý úshin Kók-Tóbe taýynyń kórkem betkeılerine qaraıtyn birneshe baqylaý alańdary qarastyrylǵan. Alańdardy abattandyrý bıyl 1 mamyrǵa deıin aıaqtalady.
«Kók Tóbe» saıabaǵy qalanyń kórikti jerleriniń biri jáne demalys orny bolyp tabylady. Jyl saıyn saıabaqqa 600 myńnan astam adam keledi. Saıabaqtyń bastapqy núktesi-uzyndyǵy 1620 metr bolatyn biregeı aspaly jol, onda 17 gondolalyq kabınalar jumys isteıdi. Jol júrý ýaqyty shamamen 6 mınýtty quraıdy, osy ýaqyt ishinde jolaýshylardyń aldynda kórkem kórinister ashylady.
