Prezıdent Qasym-Jomart Toqaev pen Premer-mınıstr Shahbaz Sharıf Qazaqstan Respýblıkasy men Pákistan Islam Respýblıkasy arasynda strategıalyq seriktestik ornatý týraly birlesken deklarasıaǵa qol qoıdy, - dep habarlaıdy alnews.
Memleket basshysy men Pákistan Premer-mınıstriniń qatysýymen mynadaı qujattarǵa qol qoıyldy:
1. Taý-ken ónerkásibi jáne geologıa ǵylymy salasyndaǵy yntymaqtastyq týraly memorandým;
2. BUU mısıalarynda bitimgerlik bólimshesin (bólimshelerin) birlesip óristetý jónindegi ózara túsinistik týraly memorandým;
3. Ekstradısıalaý týraly shart;
4. Qazaqstan Respýblıkasy Kólik mınıstrligi men Pákistan Islam Respýblıkasy Federaldy teńiz isi mınıstrligi arasyndaǵy yntymaqtastyq týraly memorandým;
5. Qazaqstan Respýblıkasy Saýda jáne ıntegrasıa mınıstrligi men Pákistan Islam Respýblıkasy Saýda mınıstrligi arasyndaǵy tranzıttik saýda týraly kelisim;
6. Keden máseleleri boıynsha yntymaqtastyq pen ózara ákimshilik kómek týraly kelisim;
7. Qazaqstan Respýblıkasy Kólik mınıstrligi men Pákistan Islam Respýblıkasy Federaldy temirjol mınıstrligi arasyndaǵy ózara túsinistik týraly memorandým;
8. Karantın jáne ósimdikterdi qorǵaý salasyndaǵy yntymaqtastyq týraly kelisim;
9. Veterınarıa salasyndaǵy yntymaqtastyq týraly kelisim;
10. Jasandy ıntellekt jáne sıfrlandyrý salasyndaǵy yntymaqtastyq týraly memorandým;
11. Densaýlyq saqtaý salasyndaǵy ózara túsinistik týraly memorandým;
12. Qazaqstan Respýblıkasy Prezıdentiniń İs basqarmasy «Qazaqstan Respýblıkasy Prezıdentiniń teleradıokesheni» sharýashylyq júrgizý quqyǵyndaǵy respýblıkalyq memlekettik kásiporny men Associated Press of Pakistan (APP) arasyndaǵy ózara túsinistik jáne yntymaqtastyq týraly memorandým;
13. Klımattyń ózgerýi jáne qorshaǵan ortany qorǵaý salasyndaǵy ózara túsinistik týraly memorandým;
14. ál-Farabı atyndaǵy Qazaq ulttyq ýnıversıteti men Pákistan Islam Respýblıkasy Bilim jáne kásibı daıarlyq mınıstrligi arasyndaǵy ózara túsinistik týraly memorandým;
15. Qazaqstan Respýblıkasy Qarjy naryǵyn retteý jáne damytý agenttigi men Pákistan Islam Respýblıkasy Memlekettik banki arasyndaǵy ózara túsinistik týraly memorandým;
16. Mádenı-gýmanıtarlyq yqpaldastyq salasyndaǵy yntymaqtastyq boıynsha 2026-2027 jyldarǵa arnalǵan is-sharalar jospary;
17. Qazaqstan Respýblıkasy Jasandy ıntellekt jáne sıfrlyq damý mınıstrligi men Pákistan Islam Respýblıkasy Vırtýaldi aktıvterdi retteý agenttigi arasyndaǵy sıfrlyq aktıvter salasy boıynsha ózara túsinistik týraly memorandým;
18. Qazaqstan Respýblıkasy Kólik mınıstrligi men Karachı porty arasyndaǵy aqparat almasý jáne kásibı damý salasy boıynsha yntymaqtastyq týraly memorandým;
19. «Qazaqstan temir joly» UK» AQ men National Logistics Corporation arasyndaǵy logıstıka salasy boıynsha ózara túsinistik týraly memorandým;
Saltanatty is-sharada Qasym-Jomart Toqaevtyń Pákistanǵa memlekettik sapary barysynda budan bólek taǵy 18 qujatqa qol qoıylǵany jóninde habarlandy.
