– WhatsApp-baılanys. Aldymen messendjer arqyly bereshegi bar adammen baılanys ornatý kerek. Onda alajaq aqshanyń somasyn kórsetip, qaıtarýyn suraısyz. Eger «qaıtaramyn» degen jaýap kelse, onda qaryzdy qaıtarý yqtımaldylyǵy – 80%.
– Qaryzdy bank arqyly ber. Qaryzǵa aqsha berseń de tranzaksıany bank arqyly júrgizgen durys. Ol kezde qolyńda aqsha aýdarǵanyńdy rastaıtyn túbirtek qalady. Sol arqyly qaryzdy qaıtarý ońaıyraq bolady.
– Kóp adam qaryz berý kezinde qolhatty qalaı jazdyryp alýdy bilmeıdi. Qolhatta JSN/IIN, qaryz alýshynyń telefon nómiri jazylýy mindetti. Alýshy adam qaryz berýshiden qansha aqsha alǵanyn san júzinde de, jazba túrinde de jazýy kerek. Taǵy bir mindetti pýnkt: qaryzdy qashan qaıtaratyn kúnin (kúnin, aıyn, jylyn), qolhat jazylǵan kúndi kórsetýge tıis. Qolhatta qaryz alýshynyń qoıylǵan qoly bolý mindetti.
– Vıdeo-dálel. Eger qolyńyzda eshqandaı dálel bolmasa, telefon arqyly habarlasyp, ol prosesti syrttaı vıdeoǵa túsirý kerek. Biraq, zańgerdiń aıtýynsha, bul tásil dáleldeý kezinde qıyndaý bolady. Degenmen, sodan keıin ǵana sotqa deıingi talap-aryz jazyp, qaryzdy qaıtarýǵa birneshe kún ýaqyt beresiz. Sol aralyqta boryshker alǵan qaryzyn qaıtarmasa, sotqa talap-aryz túsiresiz.
Derekkóz: BAQ.KZ
