ABYLAI HAN DAŃǴYLY
Dańǵyl qalanyń Jetisý jáne Almaly aýdandarynyń aýmaǵynda ornalasqan. Ol soltústikten ońtústikke qaraı Almaty-2 temirjol beketinen bastalyp, Abaı dańǵylynda ornalasqan Ulttyq kitaphana ǵımaratyna baryp tireledi. Dańǵyldyń uzyndyǵy – 4200 metr.
Burynǵy ataýy Vokzal, Stalın jáne Starokladbıshenskaıa, keıinirek Komýnısıcheskaıa atalǵan kóshege 23.10.1991 kúni Almaty qalasy ákiminiń № 15/398 sheshimimen qazaqtyń uly hany, memleket qaıratkeri Abylaı hannyń esimi berilgen. Dańǵyl eki baǵytty jol sanatynda.
Dańǵyl 1935-37 jyldary kósheniń batys jaǵynda úsh halyq komısarıatynyń ǵımaraty salynǵan kezden paıda bola bastady. Almaty qalasy astana bolǵan kezeńde dańǵyl boıynda QazSSR Úkimet úıi, Qazaqstan KP Almaty obkomy, Halyq depýtattary Sovetiniń oblystyq jáne qalalyq atqarý komıtetteri, Densaýlyq saqtaý, Et jáne sút ónerkásibi, Saýda, Qarjy Aýylsharýashylyq mınıstrlikteri, Qazaqstan Jazýshylar odaǵy, QazTAG, QazSSR halyqtyq baqylaý komıteti, Orys drama teatry, Almaty restorany, Astanalyq gastronomy ornalasqan bolatyn.
DAŃǴYLMEN QIYLYSATYN KÓSHELER:
Raıymbek dańǵyly,
M.Mámetova,
M.Maqataev,
Jibek Joly,
Áıteke bı,
Qazybek bı,
Tóle bı,
Bógenbaı batyr,
Qarasaı batyr,
Qabanbaı batyr,
Jambyl,
Shevchenko,
Qurmanǵazy,
Abaı dańǵyly.
DAŃǴYL BOIYNDAǴY ESKERTKİSHTER:
Abylaı han eskertkishi.
S.D. Lýganskıı bústi.
Amangeldi Imanov eskertkishi.
Ǵabıt Músirepov bústi.
DAŃǴYL BOIYMEN QATYNAITYN QOǴAMDYQ KÓLİKTER:
Avtobýstar: 4, 7, 10, 11, 12, 13, 17, 50, 54, 59, 69, 92, 99, 100, 119, 129, 133, 141, 208.
Troleıbýstar: 5, 6.
DAŃǴYL BOIYNDA ORNALASQAN KÓRNEKİ ǴIMARATTAR:
Almaty 2 vokzaly
Ǵ.Músirepov atyndaǵy Qazaq memlekettik akademıalyq balalar men jasóspirimder teatry.
Qazaqstan-Reseı medısına ýnıversıteti,
Ortalyq ámbebap dúken.
«Amanat» partıasynyń qalalyq keńsesi.
Almaly aýdandyq ákimdigi.
«Qazaqkonsert» birlestigi.
Almaty qalalyq memlekettik kirister departamenti.
Qazaq SSR Joǵary keńesiniń ǵımaraty, qazirgi Qazaq-brıtan tehnıkalyq ýnıversıteti.
«Balalar álemi» dúkeni
Qazaqstan Jazýshylar Odaǵynyń úıi.
Qurmanǵazy atyndaǵy Qazaq Ulttyq konservatorıasy.
«Stolıchnyı» dúkeni.
«Túbeteıka» shaıhanasy.
«Altyn alma» bıznes ortalyǵy.
Iý.Lermontov atyndaǵy orys drama teatry.
