Bul týraly “ Baıtaq” jasyldar partıasynyń Almaty qalasynda ótken V partıalyq konferensıasynda aıtyldy.
“Semeı ıadrolyq polıgonyn – álemdegi eń qaýipti synaq aımaqtarynyń birin – jabýǵa bastamashy bolyp, bul iske sheshýshi yqpal etken tulǵa dál osy Oljas Súleımenov edi. Onyń bastamasy men Qazaqstan júrgizgen halyqaralyq qozǵalystyń nátıjesinde álemniń ártúrli elderindegi taǵy tórt iri ıadrolyq polıgon, onyń ishinde AQSH-taǵy Nevada polıgony jabyldy.”- dedi, «BAITAQ» jasyldar partıasynyń tóraǵasy
Azamathan Amırtaev
Sondaı- aq, shara barysynda Almatyda aýanyń lastanýyn azaıtýǵa baǵyttalǵan tyń joba tanystyryldy.
Bastamany «Baıtaq» partıasynyń Almaty fılıalyna jańadan saılanǵan tóraıymy Alma Qarash usyndy. Josparda jańa tehnologıalyq sheshimder, naqty monıtorıń derekteri jáne aldaǵy 5 jylǵa arnalǵan qadamdar qamtylǵan.
Jobanyń negizgi bóligi – qalaǵa 1500 aýa tazartqysh munara ornatý.
Ár munaranyń quny shamamen 100 myń AQSH dollary, al ınvestorlar bul jobany bir jylda tolyq qarjylandyrýǵa daıyn. Mundaı sheshim Beıjiń qalasyndaǵy smogpen kúres tájirıbesine uqsas.
Mamandardyń aıtýynsha, bul usynys Almatydaǵy aýa lastanýyn bir jylda 70%-ǵa deıin tómendetýge múmkindik beredi.
Sonymen qatar, dál búgin «Uly dalanyń – jasyl elshisi» jobasy da óz máresine jetti. Veloshabandoz Sapar Amanjoluly birneshe aı boıy elimizdi júrip ótip, 12 000 km qashyqtyqty eńserdi. Joba barysynda eldegi ekologıalyq problemalardyń tolyq tizimin jasap shyqqan.
Konferensıada “ Aral” jobasyn qabyldaý týraly da usynys aıtyldy.
