Resmı petısıa jarıalaıtyn Epetition.kz saıtynda "B" korpýsyndaǵy memlekettik qyzmetshilerdiń jalaqysyn arttyrýdy usynǵan úndeý jarıalandy, dep habarlaıdy alnews.
Úndeý 24 maýsymda jarıalanyp Ulttyq ekonomıka mınıstrligine baǵyttalǵan. Eger bıyl 24 jeltoqsanǵa deıin 50 myń adam qoldasa, mınıstrlik petısıany zań aıasynda qaraýy tıis.
Petısıanyń avtory "B" korpýsynda jumys isteıtin maman nemese bas mamannyń ortasha jalaqysy 200 myń teńgeni quraıtynyn aıtyp, ony kem degende 70%-ǵa arttyrýdy surap otyr. Sebebi tómengi laýazymda jumys isteıtinderdiń jalaqysy óte az deıdi.
Saıtta pikir jazǵandardyń jartysy qoldasa, keıbiri aldymen jumys sapasyn jaqsartsyn degen talap qoıǵan.
Aıta keteıik, Statısıka búrosynyń málimetinshe, bıyl I toqsanda elimizdegi ortasha jalaqy 382 279 tg quraǵan.
