Qasym-Jomart Toqaev Islamabad qalasynda ózine jáne Qazaqstan delegasıasyna qonaqjaılyq kórsetkeni úshin Asıf Alı Zardarıge alǵys aıtyp, sapardyń joǵary deńgeıde uıymdastyrylǵanyn atap ótti, - dep habarlaıdy alnews.
Prezıdent otyz jyldan astam ýaqyt ishinde Qazaqstan men Pákistan mazmundy saıası dıalog órbitip, túrli salada ekijaqty yntymaqtastyqty dáıekti túrde nyǵaıtyp kele jatqanyna toqtaldy.
Qasym-Jomart Toqaevtyń pikirinshe, Qazaqstan – jer aýmaǵy men ekonomıkalyq áleýeti turǵysynan Ortalyq Azıadaǵy eń iri el. Al Pákistan Ońtústik Azıa, Ortalyq Azıa, sondaı-aq Taıaý Shyǵys túıisken tusta tıimdi ornalasqan. Bul – uzaq merzimdi strategıalyq maqsattarǵa qol jetkizýge yqpal etetin mańyzdy geosaıası artyqshylyq.
Memleket basshysy Premer-mınıstr Shahbaz Sharıfpen júrgizgen kelissózder nátıjesinde Astana men Islamabad arasyndaǵy qarym-qatynasty jańa strategıalyq deńgeıge kóterý jónindegi Birlesken deklarasıaǵa qol qoıylǵanyn atap ótti. Bul qadam baýyrlastyq baılanystardy tolyq aıqyndap, eki eldiń barlyq baǵyt boıynsha yqpaldastyqty udaıy keńeıtýge beıil ekenin baıqatady.
Asıf Alı Zardarı eki el arasyndaǵy yntymaqtastyqtyń damý deńgeıin joǵary baǵalap, Pákistan tarapynyń ózara tıimdi yqpaldastyqty odan ári nyǵaıtýǵa nıetti ekenin rastady.
Taraptar ekijaqty kún tártibiniń ózekti máseleleri jóninde pikir almasyp, uzaq merzimdi qarym-qatynasty keńeıtýdiń jańa baǵyttaryn belgiledi.
Qasym-Jomart Toqaev sapar qorytyndysy qos halyqtyń órkendeýi jolynda Qazaqstan men Pákistan arasyndaǵy seriktestikke tyń serpin beretinine senim bildirdi.
