Memleket basshysy BAQ salasy qyzmetkerlerin marapattaý rásiminde sóz sóıledi, - dep habarlaıdy alnews.
Prezıdent eń aldymen buqaralyq aqparat quraldary qyzmetkerlerin merekesimen quttyqtap, jyly lebizin bildirdi.
Bul kásibı merekeniń el ómirinde alatyn orny aıryqsha. Sebebi jýrnalıser qaýymy – eń aldymen qoǵamnyń jarshysy ári shynaıy janashyry. Sizder árdaıym halyqtyń kókeıinde júrgen ózekti máselelerdi kóterip, jurt múddesine adal qyzmet etip kelesizder. Qazirgi jahandyq tehnologıa damyǵan zamanda azamattarǵa jedel, sapaly ári shynaıy aqparat taratý, utymdy saraptama usyný da jýrnalıser qaýymyna júktelgen abyroıly mindet sanalady. Memleket sizderdiń eren eńbekterińizdi joǵary baǵalaıdy. El Prezıdenti retinde búgin men barsha medıa salasy mamandaryna shynaıy rızashylyǵymdy bildiremin, – dedi Memleket basshysy.
