«Ádiletti jáne Progresıvti Qazaqstannyń Halyqtyq Konstıtýsıasyn qoldaý» jalpyulttyq koalısıasynyń resmı saıty aldaǵy referendýmǵa jáne Jańa Konstıtýsıa jobasyna arnalǵan. Resýrs qazaqstandyqtarǵa usynylyp otyrǵan ózgeristerdiń mazmunymen tanysýǵa múmkindik beretin túsinikti ári qoljetimdi aqparat alańy retinde ázirlendi, - dep habarlaıdy alnews.
referendum2026.kz saıtynda Negizgi zań jobasynyń tolyq mátini jarıalandy. Sonymen qatar munda ózekti materıaldar, sarapshylardyń pikirleri jáne Koalısıanyń óńirlerdegi jumysyna qatysty jańalyqtar turaqty túrde jarıalanyp otyrady.
Platformanyń qurylymy paıdalanýshylarǵa ondaǵy málimetterdi ońaı baǵdarlap, aldaǵy daýys berýge qatysty suraqtaryna jaýap tabýǵa yńǵaıly etip jasalǵan.
Aqparatty qabyldaýdyń qolaılylyǵyna aıryqsha kóńil bólinip, erekshe qajettilikteri bar azamattarǵa arnalǵan beıimdelgen nusqa jáne bet parametrlerin óz qalaýynsha ózgertý múmkindigi qarastyrylǵan.
Túsindirý materıaldarynan bólek, saıtta Konstıtýsıanyń máni men onyń qoǵam ómirindegi rólin tereńirek uǵynýǵa kómektesetin taqyryptyq materıaldar, vıdeokontent jáne ınteraktıvti formattar usynylǵan.
Saıt usynylyp otyrǵan reformalardyń mánin jan-jaqty túsinip, sanaly sheshim qabyldaǵysy keletin barlyq azamatqa senimdi ári tekserilgen aqparatqa qol jetkizýge múmkindik beredi.
Bul resýrstyń iske qosylýy «Ádiletti jáne Progresıvti Qazaqstannyń Halyqtyq Konstıtýsıasy úshin» jalpyulttyq koalısıasynyń júıeli jumysynyń jalǵasy boldy. Onyń quramyna jetekshi saıası partıalardyń ókilderi men júzdegen qoǵamdyq uıymdar kirdi. Birlestiktiń jumysy qazirdiń ózinde elimizdiń barlyq óńirinde qyzý júrip jatyr. Ol Jańa Konstıtýsıa jobasynyń negizgi qaǵıdalaryn túsindirýge jáne qoǵamnyń bul iske belsendi aralasýyna baǵyttalǵan kezdesýler men ashyq dıalog alańdary arqyly júzege asyrylyp jatyr.
