Enrıke Iglesıas konserti aldynda Tazabek kórermenderdi tazalyq saqtaýǵa shaqyrdy, - dep habarlaıdy alnews.
Almatyda ótetin Enrıke Iglesıastyń konsertine sanaýly ýaqyt qaldy. Ortalyq stadıon mańyna ánshiniń jankúıerleri jınalyp, sýretke túsip, dostarymen kezdesip, kópten kútken shoýǵa daıyndalýda.
Osy ýaqytta aýmaqtyń tazalyǵyn erekshe ekologıalyq kómekshi – Tazabek maskoty qadaǵalap júr. «Taza Qazaqstan» bastamasy aıasynda ol konsert qonaqtaryn tazalyq saqtaýǵa jáne qorshaǵan ortaǵa uqypty qaraýǵa shaqyrýda.
Tazabek qolyndaǵy plakat arqyly kórermenderge qoqysty ózimen birge alyp ketýdiń jáne aınalany taza ustaýdyń mańyzyn eske salady. Sondaı-aq plasıkalyq bótelkelerdi arnaıy jınaý jáne qaıta óńdeý oryndaryna tapsyrýǵa bolatynyn kórsetip júr.
