Búgin «Aq jol» Demokratıalyq partıasynyń ortalyq keńsesinde partıanyń Ulttyq keńesiniń Plenýmy ótti. Onda qatysýshylar Parlamenttik fraksıanyń Jańa Konstıtýsıa jobasyn qoldaý jónindegi usynysyn talqylady, - dep habarlaıdy alnews.
Partıa tóraǵasy Azat Perýashev 2025 jyldyń qyrkúıeginen bastap áýeli Parlamenttik reforma jónindegi Jumys tobynyń, keıinnen Konstıtýsıalyq komısıanyń quramynda Jańa Konstıtýsıa jobasy boıynsha atqarylǵan jumystar jaıynda baıandady. Jobanyń negizgi erejelerin «Aq jol» Dempartıasy fraksıasynyń múshesi, QR Parlamenti Májilisiniń vıse-spıkeri Danıa Espaeva tanystyrdy.
Talqylaý barysynda partıa tóraǵasynyń orynbasary, Májilis depýtaty Qazybek Isa, Májilis depýtaty Serik Erýbaev, partıanyń parlamenttik fraksıasy apparatynyń basshysy Berik Dúısembınov, «Aq jol» Dempartıasynyń Astana qalalyq fılıalynyń tóraǵasy, máslıhat depýtaty Asqar Smaǵulov, Qyzylorda oblystyq fılıalynyń tóraǵasy, depýtat ári oblystyq máslıhat komısıasynyń tóraǵasy Baýyrjan Sandybaev, Almaty oblystyq fılıalynyń tóraǵasy Meırash Shynasılova, Qaraǵandy oblystyq fılıalynyń tóraǵasy, oblystyq máslıhat depýtaty Ermek Ábildın, Aqmola oblystyq fılıalynyń tóraǵasy, depýtat ári oblystyq máslıhat komısıasynyń tóraǵasy Saıat Syzdyqov, Jetisý oblystyq fılıalynyń tóraǵasy, depýtat ári oblystyq máslıhat komısıasynyń tóraǵasy Ermek Eginbaev jáne taǵy da basqa partıa músheleri sóz sóıledi.
Sóz alǵandar qabyldanyp jatqan sheshimderdiń durystyǵyn dáleldeıtin jeke jumys tájirıbelerimen bólisti (mysaly, «Parlamenttik opozısıa týraly» zań jobasyn ilgeriletý, Senatty joıý máselesi tóńiregindegi kópjyldyq pikirtalastar, partıalyq tizimder boıynsha saılaýdyń artyqshylyqtary jáne t.b.), sondaı-aq, qoǵamda talqylanyp jatqan konstıtýsıalyq reforma máseleleri boıynsha óz pikirlerin bildirdi.
Ulttyq keńes músheleri Jańa Konstıtýsıa jobasyn biraýyzdan qoldap, redaksıalyq sıpattaǵy birqatar usynystaryn bildirdi. Bul usynystar Konstıtýsıalyq komısıanyń hatshylyǵyna joldanatyn bolady.
