Naýryzbaı aýdanynda kóshe men qoǵamdyq keńistikti kógaldandyrý jumystary jalǵasyp keledi, - dep habarlaıdy alnews.
Maýsym bastalǵaly Eco Almaty qyzmetkerlerimen birlesip jalpy aýmaǵy 7 myń sharshy metr jerge 252 myń gúl kósheti otyrǵyzyldy. Bul týraly aýdan ákimdiginiń ókilderi aıtty.
Gúl kompozısıalary Shuǵyla shaǵynaýdanynda, «Alataý» shıpajaıy mańynda, Sábdenov kóshesinde jáne Abaı dańǵylynda ornalastyryldy.
Sonymen qatar Abaı jáne Alataý dańǵyldarynda, sondaı-aq Áshimov, Shalápın, Qonaev jáne Rysqulov kóshelerinde tik kógaldandyrýdyń 1 950 qurylymy ornatyldy.
«Halyq qatysatyn búdjet» baǵdarlamasy aıasynda «Almatynyń gúl jumaǵy» saıabaǵynyń qurylysy qarqyn alǵan. Nysanda jer jumystary júrgizilip, aǵash egilip, sý qubyry tartyldy jáne syrtqy jaryqtandyrý jelilerin ornatýǵa arnalǵan ýchaskeler daıyndaldy. Kóriktendirý jumystary úshin 5 myń sharshy metrge jýyq kespetas satyp alynyp, jıektastardy ornatý jumystary qyzǵan.
Osy baǵdarlama aıasynda Áshimov kóshesinde kógaldandyrý jáne avtomatty sýarý júıesin ornatý, júrginshi aımaqtaryn kóriktendirý, kóshelerdi jaryqtandyrý jáne jóndeý jobalary da júzege asyrylyp jatyr, dep málimdedi Naýryzbaı aýdany ákimdiginiń ókilderi.
