Almatynyń Medeý aýdanynda aýla aýmaqtaryn kórkeıtý jáne aǵymdaǵy jóndeý jumystary jalǵasyp keledi, - dep habarlaıdy alnews.
Bıyl turǵyndarǵa qolaıly ári qaýipsiz orta qalyptastyrý maqsatynda 16 aýla aýmaǵyn jańartý jobasy júzege asyrylyp jatyr.
«Halyq qatysatyn búdjet» baǵdarlamasy aıasynda myna mekenjaılar boıynsha 6 joba qolǵa alynǵan:
* Maqataev kóshesi, 53 – Pýshkın kóshesi, 35;
* Dostyq kóshesi, 47 – Qabanbaı batyr kóshesi, 65;
* Dýman-2 shaǵynaýdany, №25-26 jáne №29-30 úıler;
* Qonaev kóshesi, 4 – Ýálıhanov kóshesi, 9;
* Núsipbekov kóshesi, 10;
* Qaldaıaqov kóshesi, 49 jáne 51 – úı mańynda qorshaý ornatý.
Jańartý kezinde balalar men turǵyndar jıi paıdalanatyn aýmaqtardyń qaýipsizdigi men qolaılylyǵyna basa nazar aýdarylyp otyr. Máselen, Dýman-2 shaǵynaýdanyndaǵy №25-26 jáne №29-30 úılerdiń aýlasyndaǵy aǵymdaǵy jóndeý jumystary aıaqtaldy. Balalar alańyndaǵy rezeńke jabyn tolyq jańartylyp, jańa oıyn qurylymdary ornatyldy. Oryndyqtar jóndelip, aýmaqtyń qaýipsizdigin qamtamasyz etý úshin qorshaý qoıyldy.
Aýla aýmaqtaryn aǵymdaǵy jóndeý aıasynda taǵy 10 joba júzege asyrylyp jatyr:
* Samal-1 shaǵynaýdany, №37-40 úıler;
* Dostyq kóshesi, 294/2;
* Sátbaev kóshesi, 10;
* Zenkov kóshesi, 86;
* Nazarbaev dańǵyly, 48;
* Qulja tas joly, 2A;
* Ianýshkevıch kóshesi, 18/16;
* Potanın kóshesi, 6;
* Qonaev kóshesi, 110;
* Qajymuqan kóshesi, 16/1.
Jóndeý barysynda balalar alańdary, jabyndar, oryndyqtar, qorshaýlar jáne basqa da kórkeıtý elementteri jańartylyp, retke keltiriledi. Negizgi maqsat – aýlalardyń syrtqy kelbetin jaqsartyp qana qoımaı, turǵyndar úshin qaýipsiz ári jaıly orta qalyptastyrý.
