Almatyda 5-6 qyrkúıekte ekologıalyq ádetterge, qaıta óńdeýge jáne shyǵarmashylyqqa arnalǵan eki kúndik ekoýıkend ótedi, - dep habarlaıdy alnews.
İs-sharany «Eco Almaty» JSHS qoldaýymen ECO Network uıymdastyrady.
Ekoýıkend MEGA Alma-Ata saýda-oıyn-saýyq ortalyǵynyń Event Space alańynda ótedi. Baǵdarlamada ekologıalyq belsendilikter, qaıta óńdeý úderisin kórsetý, ınteraktıvti kvız, sondaı-aq balalar men eresekterge arnalǵan sabaqtar qarastyrylǵan.
Baǵdarlamanyń bir bóligi retinde Bedazzled shyǵarmashylyq sheberdiń sabaǵy ótedi. Onda qatysýshylar qıalyna erik berip, óz qolymen biregeı jumystar jasaı alady.
Ekoýıkend beıresmı formatta qaıta óńdeý, qorshaǵan ortaǵa jaýapkershilikpen qaraý jáne ekologıalyq ádet týraly kóbirek bilýge múmkindik beredi.
