Almatynyń Áýezov aýdanynda qala ákiminiń atmosferalyq aýanyń sapasyn jaqsartý jónindegi tapsyrmasy aıasyndaǵy jumystar jalǵasyp keledi. Bul týraly aýdan ákimdiginiń ókilderi aıtty.
Ekologıa jáne qorshaǵan orta basqarmasymen, sondaı-aq Tótenshe jaǵdaılar departamentimen birlesip kásipkerlik nysandaryna tekserý júrgizildi.
Monıtorıń qorytyndysy boıynsha 79 qoǵamdyq tamaqtaný ornynyń 39-ynda gıdrofıltrler ornatylǵany anyqtaldy. 8 monsha kesheniniń 7-eýi gazben jylytý júıesine kóshken. Al 22 tehnıkalyq qyzmet kórsetý stansıasynyń 17-si gazben jylytylady.
Qatty jáne suıyq otyndy paıdalanatyn nysandardyń basshylarymen gazǵa nemese elektrmen jylytý júıesine kóshý, sondaı-aq Almaty qalasynyń kóriktendirý qaǵıdalary men Atmosferalyq aýany qorǵaý qaǵıdalaryn saqtaý máseleleri boıynsha túsindirý jumystary júrgizildi.
