Almaty qalasynyń ákimdigi «Taza Qazaqstan» baǵdarlamasy aıasynda «Almaty – bizdiń ortaq úıimiz» naýqanynyń bir bóligi retinde «Úzdik komýnaldyq qyzmetker» baıqaýyn jarıalaıdy. Baıqaý 2025 jyldyń 5 naýryzynda bastalyp, 20 naýryzǵa deıin jalǵasady, - dep habarlaıdy alnews Almaty qalasy ákimdigine silteme jasaı otyryp.
Baıqaýdyń maqsaty – kópqabatty turǵyn úılerdiń aýlasyn kútip-ustaý sapasyn arttyrý jáne kórkeıtýge yntalandyrý. Baıqaýǵa kópqabatty úıler men aýlalardyń ortaq aýmaqtaryn kórkeıtýmen aınalysatyn uıymdardyń qyzmetkerleri qatysa alady.
Jeńimpazdarǵa dıplomdar men arnaıy syılyqtar, sondaı-aq aqshalaı marapattar tabystalady:
1-oryn – 150 000 tg
2-oryn – 100 000 tg
3-oryn – 50 000 tg (turmystyq tehnıka)
Ótinim 2025 jyldyń 17 naýryzyna deıin aýdan ákimi apparattarynyń komýnaldyq sharýashylyq bóliminde qabyldanady. Ótinimdi qatysýshynyń minezdemesimen, qyzmet kórsetetin aýmaqtardyń tizimi jáne jeke derekterdi óńdeýge kelisim qajet.
Alataý aýdany: okx-2998636@mail.ru
Jetisý aýdany: okh_zhetysu@mail.ru
Medeý aýdany: medeu.okkh@mail.ru
Áýezov aýdany: okx_auezov@mail.ru
Almaly aýdany: 2720213@mail.ru
Bostandyq aýdany: Okh2017@list.ru
Túrksib aýdany: 2231153okx@mail.ru
Naýryzbaı aýdany: yerasyl.adilbayev@mail.ru
Baǵalaý krıterııleri:
- uıymdaǵy úzdiksiz eńbek ótili,
- tehnıkalyq mamandyqtardyń bolýy,
- úı mańyndaǵy aýmaqtardyń sanıtarlyq jaǵdaıy,
- kógaldardyń jaǵdaıy jáne qoqystyń bolmaýy,
- jasyl jelekter men oıyn alańdarynyń jaı-kúıi,
- turǵyndardyń pikiri.
Qatysýshylardyń jumysyn arnaıy komısıa baǵalaıdy. Quramyna depýtattar, qoǵamdyq keńes ókilderi jáne basqa da sarapshylar kiredi. Jeńimpazdar baıqaý qorytyndysy shyqqan soń marapattalady.
Tolyq aqparat alý úshin aýdan ákimdikteriniń komýnaldyq sharýashylyq bólimine habarlasýǵa bolady.
