Almatyda «Almaty – bizdiń ortaq úıimiz» qalalyq naýqany jáne «Taza Qazaqstan» respýblıkalyq baǵdarlamasy aıasynda qoqys jáshikterin tazalaýdy baqylaý boıynsha jańa sharalar engizilýde, - dep habarlaıdy alnews.
Komýnaldyq ınfraqurylymdy damytý basqarmasy monıtorıń nátıjesinde aýzy-murnynan shyǵyp tolyp jatatyn 52 ýchaskeni anyqtady. Bul máseleni sheshý úshin sanıtarlyq tazartý qyzmetiniń jumysyn baqylaý kúsheıtildi.
Qoqys jáshikterin tazalaý boıynsha qosymsha patrúldik marshrýttar engizildi. Kún saıyn saǵat 12:00-den 20: 00-ge deıin eki qyzmetkeri bar júk kólikteri jumysqa shyǵady. Jaýapty tulǵalar naqty aýmaqtarǵa taǵaıyndalady, bul týyndaǵan túıtkildi mán berip, tezdetip sheshýge jol ashady.
Búginde qalada 33 myńǵa jýyq qoqys jáshigi bar, shahardy 1 300-ge jýyq adam jáne 1 000-nan astam tehnıka tazalaıdy. Dızaın kodqa sáıkes, jańa, syıymdylyǵy úlken qoqys jáshikterin satyp alý josparlanyp otyr.
