Qazaq sport jáne týrızm akademıasynyń Prezıdenti Qaırat Zakıránov «Qaırat» fýtbol klýbynyń qaqpashysy Temirlan Anarbekovke, jartylaı qorǵaýshy Oljas Baıbekke jáne shabýylshy Mansur Birqurmanovqa rektor grantyn saltanatty túrde tabystady, - dep habarlaıdy alnews.
Arnaıy ótken kezdesýde grant ıegerlerine sertıfıkattar tapsyrylyp, jas sportshylardyń bolashaǵyna zor senim bildirildi. Akademıa basshylyǵy bul bastamanyń jastardy qoldaý baǵytyndaǵy memlekettik saıasatpen úndes ekenin atap ótti.
Óz sózinde Akademıa ókilderi sportta da, bilimde de úzdik nátıje kórsetip júrgen stýdentterge árdaıym qoldaý kórsetilip kele jatqanyn aıtyp, bul úrdis aldaǵy ýaqytta da jalǵasatynyn jetkizdi.
Aıta ketý kerek, Akademıa Prezıdenti Qaırat Zakıránov joǵary jetistikke jetken jas sportshylardy turaqty túrde qoldap keledi. Buǵan deıin dál osyndaı rektor granty «Qaırat» fýtbol klýbynyń qaqpashysy Sherhan Qalmurzaǵa tabystalǵan bolatyn.
Qazaq sport jáne týrızm akademıasy – talaı sańlaq sportshylardy túletken bilim ordasy. Búgingi bastama – sol ıgi dástúrdiń zańdy jalǵasy ári urpaqtar sabaqtastyǵynyń aıqyn kórinisi.
Bul kezdesý bilim men sportty qatar damytýdyń, daryndy jastardy yntalandyrýdyń jáne bolashaq chempıondarǵa senim artýdyń jarqyn úlgisine aınaldy.
