Almatyda «Múmkindikter ýaqyty - bolashaǵy bar bala» atty halyqaralyq ǵylymı – praktıkalyq konferensıa ótti. Qazaqstannan jáne shetelderden kelgen jetekshi sarapshylar men praktıkter erekshe qajettilikteri bar balalarǵa erte kómek kórsetýge qatysty mańyzdy máselelerdi jáne Qazaqstanda erte aralasý júıesin damytý perspektıvalaryn talqylady, - dep habarlaıdy alnews.
Buǵan deıin Almaty qalasynyń ákimi Erbolat Dosaevtyń tapsyrmasy boıynsha megapolıste Almaty qalasynyń jumyspen qamtý jáne áleýmettik baǵdarlamalar basqarmasynyń biregeı erte aralasý ortalyǵy quryldy, ol jyl saıyn 1 000 balany qamtýdy josparlap otyr.
Búgingi tańda Almaty qalasynda 18 jasqa deıingi 9 526 bala erekshe qajettilikke ıe. 3 jasqa deıingi erekshe qajettilikteri bar balalar 800-ge jýyq. 2024 jyldyń basynan bastap uryqty qorǵaý ortalyǵynyń erte aralasý júıesi aıasynda «Bir kúndik klınıka» jobasyn iske asyra otyryp, týa bitken damý aqaýlarynyń 918 jaǵdaıy anyqtaldy, osylaısha damý aqaýlaryn erte anyqtaý qamtamasyz etildi, bul náreste óliminiń tómendeýine ákeldi. Pedagogıkalyq túzetý organdary (PTO, PMPK) 2024 jyldyń ótken kezeńinde 1683 balaǵa kómek kórsetti. 2024 jyldyń ótken kezeńinde erekshe qajettilikteri bar 1000 bala memlekettik áleýmettik tapsyrys arqyly arnaýly áleýmettik qyzmettermen (AÁQ) qamtyldy.
«Almaty qalasynyń erte aralasý júıesi ómirdiń eń erte kezeńderinde balalardyń damýyndaǵy buzýshylyqtardy anyqtaýǵa jáne keshendi kómek kórsetýge baǵyttalǵan. Bul balalardyń múgedektik deńgeıin tómendetip qana qoımaı, balalar men olardyń otbasylarynyń ómir súrý sapasyn edáýir jaqsartady. Qurylǵan erte aralasý ortalyǵynyń biregeıligi reglament negizinde densaýlyq saqtaý, bilim berý jáne áleýmettik qorǵaý basqarmalary arasyndaǵy vedomstvoaralyq ózara is - qımyl júıesin engizý bolyp tabylady, ol balany erte aralasý baǵdarlamasyna anyqtaǵan jáne qabyldaǵan sátten bastap jáne ol aıaqtalǵanǵa deıin vedimistik ózara is-qımyl prosesin kezeń-kezeńimen sıpattaıdy», - dedi Almaty ákiminiń orynbasary Ásem Núsipova.
Erte aralasý ortalyǵynyń ashylýy fızıkalyq, kognıtıvti jáne emosıonaldyq damýdyń negizgi daǵdylary men negizderi qalyptasatyn mańyzdy kezeńdi - týǵannan úsh jasqa deıin qamtıtyn júıeni qurýǵa múmkindik berdi. Osy kezeńdegi ýaqtyly aralasý buzýshylyqtardyń saldaryn azaıtady, bul balanyń qoǵamǵa sátti ıntegrasıalanýyna yqpal etedi.
Konferensıa jumysyna alys jáne jaqyn shetelderdiń 7 elinen erte aralasý salasyndaǵy 11 halyqaralyq sarapshy qatysty. Budan basqa, onlaın-formatqa Qazaqstannyń túrli elderi men óńirlerinen densaýlyq saqtaý, bilim berý jáne áleýmettik qorǵaý mamandary qatysty. Konferensıa balalardyń múgedektik deńgeıin tómendetýdiń zamanaýı tásilderin talqylaý, sondaı-aq sarapshylar qaýymdastyǵy arasyndaǵy yntymaqtastyq pen tájirıbe almasýdy nyǵaıtý úshin mańyzdy alańǵa aınaldy.
İs-shara qorytyndysy boıynsha Qazaqstanda erte aralasý júıesin odan ári damytý jáne jetildirý boıynsha usynystar ázirlendi. Erekshe qajettilikteri bar balalardyń ómir súrý sapasyn jaqsartý jáne olardyń otbasylaryn qoldaý boıynsha odan ári qadamdar jasaýǵa negiz bolatyn qarar ázirlendi.
