Almatynyń Medeý aýdanyndaǵy Samal-3 shaǵynaýdany, 21-úıdiń qasbetine KSRO Halyq artısi, aty ańyzǵa aınalǵan ánshi Roza Baǵlanovanyń beınesi salynǵan mýral salyndy, - dep habarlaıdy alnews.
Mýral turǵyndardyń ákimdikke jasaǵan ótinishi negizinde júzege asyryldy. Osydan keıin kórkem nysandy jasaý jumystary uıymdastyrylǵan. Jobanyń erekshe mańyzdylyǵy — Roza Baǵlanovanyń kezinde dál osy úıde turǵanynda. Endi ǵımarat qasbeti uly óner ıesine degen qurmet pen taǵzymnyń sımvolyna aınaldy.
Jobany daıyndaý jáne júzege asyrý jumystaryna Roza Baǵlanovanyń kelini Maral Baǵlanova da qatysqan. Ol atqarylǵan jumysqa joǵary baǵa berip, jobany júzege asyrǵan azamattarǵa alǵys bildirdi.
Osylaısha, Halyq artısiniń jarqyn beınesi endi halyq jadynda ári ulttyq óner tarıhynda ǵana emes, Almaty qalasynyń sáýlettik kelbetinde de máńgilikke saqtalmaq.
