Respýblıka saraıynda Respýblıka kúnine oraı tanymal qazaqstandyq ónerpazdar, shyǵarmashylyq ujymdar men óner maıtalmandary bas qosqan saltanatty merekelik konsert ótti, - dep habarlaıdy alnews.
Merekelik keshtiń konserttik baǵdarlamasy mýzyka, horeografıa, poezıa men zamanaýı sahnalyq qoıylymdardy toǵystyryp, kórermenderge erekshe rýhanı áser syılady.
Sahna tórinde Qazaqstannyń halyq ártisi Roza Rymbaeva, Ramazan Stamǵazıev, Tamara Asar, Dastan Orazbekov, Medeý Arynbaev, Meırambek Bespaev pen Ǵazızhan Shekerbekovtiń dýeti, Berqut pen Aısha, «MýzArt laıf» toby jáne basqa da tanymal ónerpazdar týǵan jerge, elge jáne Almaty qalasyna arnalǵan ánderin shyrqady.
Konserttik baǵdarlamada Otanǵa degen qurmet, el birligi men yntymaǵy, táýelsizdiktiń qadiri jáne ulttyq qundylyqtar taqyryptary keńinen kórinis tapty. Áserli mýzykalyq nómirler men sahnalyq qoıylymdar kórermenderdiń patrıottyq sezimin oıatyp, merekelik kóńil kúı syılady.
Ulttyq mereke – Respýblıka kúni qutty bolsyn!
