Almatyda otbasylyq qundylyqtardy dáriptep, ónegeli shańyraqtardy kópshilikke úlgi etýge baǵyttalǵan «Mereıli otbasy» baıqaýynyń qalalyq kezeńi aıaqtaldy, - dep habarlaıdy alnews.
Bıyl Almaty qalasy atalǵan ulttyq konkýrsqa 12-ret qatysyp otyr.
Jeńimpazdardy marapattaý saltanatyna qalanyń segiz aýdanynda ótken irikteý kezeńderiniń jeńimpazdary qatysyp, estelik jáne aqshalaı syılyqtarmen marapattaldy. Almaty qalasynyń jeńimpazy Bılál otbasy boldy. Endi olar Astana qalasynda ótetin respýblıkalyq baıqaýdyń jeńimpazdaryn marapattaý rásimine qatysady.
Bıylǵy baıqaýda ádil qazylar quramynda bolǵan Almaty qalalyq qoǵamdyq keńesiniń múshesi Marat Qalımoldın irikteý asa joǵary deńgeıde ótkenin aıtty:
– Jalpy 262 ótinim tústi. Aýdandarda birinshi kezeń ótip, qalalyq kezeńge ár aýdannan eki otbasy qatysty. «Mereıli otbasy» – elimizdegi asa mańyzdy, qoǵam úshin kókeıkesti máselelerdiń birin kóteretin erekshe baıqaý. Otbasylyq qundylyqtardy saqtaý men dáripteýde mundaı sharalardyń orny bólek. Tálimi men tárbıesi mol, ónegeli otbasylardyń jeńiske jetip, halyqqa úlgi bolýy – baıqaýdyń basty mańyzy, – dedi ol.
«Mereıli otbasy» baıqaýynyń mundaı ıgi bastamalary berekeli shańyraqtardyń ónegesin nasıhattap qana qoımaı, jas urpaqqa otbasynyń qadirin uǵyndyrýǵa jáne qoǵamdaǵy otbasylyq qundylyqtardy odan ári nyǵaıtýǵa yqpal etedi.
