Almaty qalasynyń qala qurylysyn baqylaý basqarmasy sot sheshimi boıynsha zańsyz dep tanylǵan Aınabulaq -1 6 «B» sh/a kafeni buzýdyń bastalǵany týraly habarlady.
Kafeniń menshik ıesi (jeke tulǵa) APZ, eskızdik jobany kelisý, jobany saraptaý jáne qurylys-montaj jumystarynyń bastalǵany týraly habarlama bolmasa da qurylysty salǵan.
Buryn Basqarma menshik ıesine qatysty ákimshilik sharalar qabyldap, anyqtalǵan buzýshylyqtardy joıýǵa nusqama bergen bolatyn.
2024 jylǵy 7 aqpanda Basqarma Jetisý aýdandyq sotyna obektini buzýǵa talap aryz berdi. Sot sheshimimen talap-aryzdar qanaǵattandyryldy, qalalyq sottyń 2024 jylǵy 19 maýsymdaǵy qaýlysymen sheshim ózgerissiz qaldy.
Buzý Ádilet departamentiniń sot oryndaýshylarynyń qatysýymen bastaldy.
Esterińizge sala keteıik, Almaty ákimi Erbolat Dosaevtyń qurylysqa baqylaýdy kúsheıtý jónindegi tapsyrmasy aıasynda ótken jyldyń basynan beri 53 zańsyz nysan, onyń ishinde «Mechta», «Khan», «Alma Garden» turǵyn úı keshenderi jáne basqalary tolyǵymen nemese ishinara buzylǵan bolatyn.
