Almatyda Jastar keńesiniń jańa quramyna ótinim qabyldaý bastaldy, - dep habarlaıdy alnews.
Keńes qalanyń damýyna úles qosýǵa, ıdeıasy men jobasyn usynýǵa daıyn jastardy biriktiretin alań bolmaq. Joba Almaty qalasy Jastar saıasaty basqarmasy men QazEquality qoǵamdyq qorynyń qatysýymen júzege asyrylady.
İrikteý eki kezeńnen turady.
Birinshi kezeńde úmitkerler arnaıy ótinimdi toltyrýy qajet:
https://docs.google.com/forms/d/e/1FAIpQLSecS0TKyDJc1QLGQjLuPQHCfIkz06cx3DXhOMb0JFKBG1N1Gw/viewform?usp=publish-editor
Ótinim qaraý kezinde úmitkerdiń Keńes jumysyna qatysýǵa degen yntasy, tájirıbesi jáne áleýeti eskeriledi. Birinshi kezeńniń qorytyndysy boıynsha 50 úmitker irikteledi. Ótinim 2026 jyly 29 qyrkúıekke deıin qabyldanady.
Ekinshi kezeńde úmitkerler suhbattan ótedi. Suhbat barysynda olardan ózi týraly aıtyp qana qoımaı, naqty ıdeıa nemese joba usyný kútiledi. Úmitker Almaty úshin mańyzdy dep sanaıtyn máseleni atap, ony sheshý joldary týraly kózqarasyn usynýy qajet. Suhbat qorytyndysy boıynsha 25 qatysýshy Jastar keńesiniń quramyna enedi.
Usynylatyn bastamalar belgili bir salamen shektelmeıdi. Negizgi baǵyttardyń qatarynda qalalyq orta men ekologıa, bilim berý jáne jastardy damytý, ınklúzıa men teń múmkindikter, sıfrlandyrý jáne ınovasıa bar. Eń bastysy, usynylǵan ıdeıanyń qala men onyń turǵyndaryna qandaı naqty paıda ákeletinin túsindire bilý.
Jastar keńesi jas almatylyqtarǵa qalanyń ózekti máselelerin talqylap qana qoımaı, olardy sheshýge baǵyttalǵan naqty usynystar men jobalardy ortaǵa salýǵa múmkindik beretin alań bolmaq.
Anyqtama úshin:
+7 700 535 2004 — Zarına
