Almaty jastary «Oqıtyn ult» jalpyulttyq marafony aıasynda kitap oqý chempıonatyna qatysyp, aqshalaı syılyq utyp ala alady. Ol úshin usynylǵan tórt shyǵarmanyń birin oqyp, sol kitap týraly beıneresenzıa daıyndaý qajet. Bul týraly Almaty qalasy Jastar saıasaty basqarmasynyń ókilderi aıtty.
Baıqaýdy Almaty qalasy Jastar saıasaty basqarmasynyń qoldaýymen Skill All qysqamerzimdi kýrstarynyń jobalyq keńsesi uıymdastyryp otyr. Onyń maqsaty – jastardyń kitap oqýǵa qyzyǵýshylyǵyn arttyrý, synı oılaý qabiletin damytý jáne pikirin dálelmen jetkizýge úıretý.
Qatysýshylar myna tórt shyǵarmanyń birin tańdaı alady: Saıyn Muratbekovtiń «Jýsan ıisi», Oljas Súleımenovtiń «AZ ı Ia», Marı Faveronyń «Altyn Orda. Dala ımperıasy álemdi qalaı ózgertti» jáne Arman Álmenbettiń «Tergeýshi» kitaptary.
Tańdalǵan shyǵarma týraly uzaqtyǵy 1-3 mınýt bolatyn beıneresenzıa túsirý kerek. Onda kitaptyń negizgi ıdeıasyn ashyp, shyǵarmadan keminde eki mysal keltirý jáne jeke qorytyndy jasaý qajet.
Baıqaýǵa qatysý úshin tirkelip, Instagram jelisinde tańdalǵan kitaptyń ataýy men #oqitynult heshtegi kórsetilgen jazba jarıalaý kerek. Daıyn beıneresenzıa da osy heshtegpen jarıalanýǵa tıis.
Jumys tórt ólshem boıynsha baǵalanady: shyǵarmanyń mazmunyn túsiný, pikirdi dáleldeý deńgeıi, oı tujyrymdarynyń derbestigi, baıandaýdyń qısyndylyǵy men túsiniktiligi. Eń joǵary baǵa – 100 upaı.
Chempıonattyń jalpy júlde qory 400 myń teńge. Jeńimpazǵa 100 myń teńge, ekinshi oryn alǵan eki qatysýshyǵa 75 myń teńgeden, al júldeli oryn ıelengen taǵy úsh qatysýshyǵa 50 myń teńgeden beriledi.
Beıneresenzıalar 19 qazanǵa deıin qabyldanady. 20-22 qazan aralyǵynda qazylar alqasy jumystardy baǵalaıdy, al 23 qazanda qorytyndy is-shara ótip, jeńimpazdar jarıalanyp, marapattar tabystalady.
Uıymdastyrýshylar chempıonat jastardyń klasıkalyq jáne zamanaýı ádebıetke qyzyǵýshylyǵyn arttyryp qana qoımaı, oqyǵan kitaptary týraly pikir almasyp, shyǵarmalardy tereńirek talqylaýǵa jol ashady dep senedi.
