Almatyda qaıta óńdelgen 50 myń plasık qaqpaqtan jasalǵan biregeı «Taza Qazaqstan» stelasy ashyldy, - dep habarlaıdy alnews.
Qaqpaqtardy qala mektepteriniń oqýshylary men balabaqsha tárbıelenýshileri «Meıirimdi qaqpaqsha» jobasy aıasynda jınaǵan.
Stelany ECO Network komandasy Markov kóshesi, 44 mekenjaıyndaǵy jáne Satbayev University bazasyndaǵy Eko-habtarda jasady. Eki aı boıy júzdegen erikti jınalǵan qaqpaqtardy suryptap, iriktedi. Keıin plasık qaıta óńdelip, stela jasaýǵa paıdalanyldy.
«Meıirimdi qaqpaqsha» jobasy Almatyda 2024 jyldan beri júzege asyrylyp keledi. Osy ýaqyt ishinde qala turǵyndary 1 mıllıonnan astam plasık qaqpaq jınaǵan. Qaıta óńdelgen materıaldan buǵan deıin Panfılov kóshesinde ornatylǵan bıiktigi eki metrlik jańa jyldyq shyrsha jáne Arbattaǵy oryndyqtar jasaldy. Al 2026 jyly qalada qaıta óńdelgen plasıkten jasalǵan 11 oryndyqtan turatyn aleıa paıda boldy.
Qyrkúıek aıynda joba odan ári damıdy. Almaty ákimdigi ECO Network-pen birlesip, Eco Almaty qoldaýymen Bostandyq aýdanyndaǵy balabaqshalar, mektepter men kolejderdi qamtıtyn pılottyq ekologıalyq jobany iske qosady. Jobaǵa qatysýshylar econetwork.me platformasy arqyly ekologıalyq aksıalarǵa, qaldyqtardy bólek jınaýǵa jáne eriktilik bastamalarǵa qatysqanyn tirkeı alady.
Jobanyń negizgi maqsaty – qaldyqtardy qaıta paıdalanýdyń múmkindikterin is júzinde kórsetý jáne balalar men olardyń otbasylaryn ekologıalyq ádetterdi qalyptastyrýǵa tartý.
