Almaty haıýanattar baǵyna jarty jylda jarty mıllıonnan astam adam barǵan

2026 jyldyń alǵashqy jartyjyldyǵynda Almaty haıýanattar baǵyna 561 983 adam bardy. Bul týraly qalalyq Mádenıet basqarmasynyń ókilderi habarlady.
 
Alty aı ishinde munda 62 ekskýrsıa, merekelik is-shara, ekologıalyq dárister jáne 150 bala bilim alatyn Zoomekteptiń sabaqtary ótkizildi.
 
Haıýanattar baǵynyń qorynda janýarlardyń 386 túrine jatatyn 4 myńnan astam tól bar. Olardyń qatarynda Qazaqstannyń Qyzyl kitabyna jáne Tabıǵatty qorǵaýdyń halyqaralyq odaǵynyń Qyzyl tizimine engizilgen sırek túrler de kezdesedi.
 
Áleýmettik qoljetimdilikke erekshe kóńil bólinedi. Jetim balalarǵa, erekshe qajettiligi bar balalarǵa jáne mamandandyrylǵan mekemeler tárbıelenýshilerine haıýanattar baǵyna tegin kirý múmkindigi qarastyrylǵan.