Almaty gýmanıtarly-ekonomıkalyq ýnıversıtetinde halyqaralyq jarystarda joǵary nátıje kórsetken sportshylarǵa bilim berý grantyn tabystaýǵa arnalǵan saltanatty is-shara ótedi, - dep habarlaıdy alnews.
Ýnıversıtet quryltaıshysy Sofıa Arǵynqyzy Sýıýbaevanyń qoldaýymen Bakýde ótken dzúdodan Álem chempıonatynyń kúmis júldegeri Davlatov Sherzod Rahımovıchke jáne 2026 jylǵy HH jazǵy Azıa oıyndarynyń quzǵa órmeleýden qola júldegeri Toqtarov Damır Manasovıchke ýnıversıtet granty beriledi.
Grant ıegerleri Almaty gýmanıtarly-ekonomıkalyq ýnıversıtetiniń bakalavrıatyndaǵy 6V01422 (İR) – «Dene shynyqtyrý jáne sport» bilim berý baǵdarlamasy boıynsha bilim alady.
Sherzod Davlatovtyń álem chempıonatyndaǵy kúmis júldesi men Damır Toqtarovtyń Azıa oıyndaryndaǵy qola medali – qazaqstandyq sportshylardyń halyqaralyq arenadaǵy joǵary nátıjeleriniń aıǵaǵy.
Ýnıversıtettiń bul bastamasy sporttaǵy jetistikti bilimmen ushtastyryp, chempıondardyń kásibı damýyna múmkindik berýdi kózdeıdi. Bilim berý granty sportshylarǵa qoldaý kórsetýmen qatar, jastardy sportpen aınalysýǵa jáne bilim alýǵa yntalandyratyn mańyzdy bastama bolmaq.
Kúni: 12 qazan 2026 jyl
Ýaqyty: 11:00
Ótetin orny: Almaty qalasy, Aqsaı-3 shaǵyn aýdany, 36
