Jalpyulttyq koalısıa qyzmeti aıasynda áleýmettik jelilerde paıdalanýshylardyń avatarlaryna taqyryptyq ramka ornatý bastamasy júzege asyrylýda. Búginde 15 naýryzǵa belgilengen jalpyulttyq referendým qarsańynda óz azamattyq ustanymyn jarıa túrde bildirip, aksıaǵa 88 myńnan astam adam qosyldy.
Twibbonize.com ashyq platformasynda arnaıy «referendum2026» tvıbbony júkteldi. Birneshe kún ishinde ósý qarqyny boıynsha ol TOP-1 qataryna kirip, servıstegi eń kóp qoldanylǵan tvıbbonǵa aınaldy. Sondaı-aq platformada basqa da bastamashylyq aksıalar ornalastyrylǵan. Qazirgi ýaqytta qoldaýshylardyń jalpy sany 88 myń adamǵa jetti. Jańa Konstıtýsıa jobasyn qoldaıtyn azamattar sany kún saıyn artyp keledi.
Onlaın-belsendilikke tanymal qazaqstandyqtar da aksıaǵa qosyldy — blıs-shahmattan álem chempıony Bıbisara Asaýbaeva, Sıdneı Olımpıadasynyń júldegeri Muhtarhan Dildábekov, bokstan Qazaqstannyń úsh dúrkin chempıony Vasılıı Levıt, eńbek sińirgen óner qaıratkeri Qarakóz Súleımenova, mýzykant Abaı Begeı, prodúser Renat Basıt, «Dervıshı» tobynyń solısi Dılmýrat Baharov, halyq ártisi Tuńǵyshbaı Jamanqulov, akter Erbolat Tólegen jáne basqa da kóptegen tulǵalar.
Bul bastama Qazaqstannyń ár óńirindegi paıdalanýshylardy biriktirip, azamattardyń el bolashaǵyn talqylaýǵa qatysýynyń joǵary deńgeıin kórsete otyryp, qoǵamda erekshe nazar aýdartqan sıfrlyq formattardyń birine aınaldy.
Taqyryptyq ramkany tómendegi silteme arqyly ornatýǵa bolady:
https://www.twibbonize.com/referendum2026
