2026 jylǵy 20 naýryzda Almaty qalasynda ornalasqan Qazaq sport jáne týrızm akademıasy bazasynda mańyzdy oqıǵa ótti. Akademıa prezıdenti, profesor Qaırat Zakıránov «Kemel Toqaev» ordenimen marapattaldy.
Bul marapat ǵylym men bilim salasynda joǵary nátıjelerge qol jetkizgen, sondaı-aq qoǵam damýyna eleýli úles qosqan azamattarǵa beriledi.
Orden qazaqtyń kórnekti jazýshysy, Uly Otan soǵysynyń ardageri Kemel Toqaev esimimen atalady. Ol maıdandaǵy erligi úshin birqatar memlekettik nagradalarǵa ıe bolyp, keıin qazaq ádebıetinde detektıv janrynyń qalyptasýyna úles qosqan.
Marapatty Respýblıkalyq «Er namys» qoǵamdyq birlestiginiń tóraǵasy Erbolat Álıadın tabystady.
Aıta keteıik, Qaırat Zakıránovtyń bul marapatqa ıe bolýy onyń ǵylymdy damytýǵa jáne jas mamandardy daıarlaýǵa qosqan úlesiniń joǵary baǵalanǵanyn kórsetedi.
