الماتىلىق ۇلى وتان سوعىسىنىڭ ارداگەرى، مايدانگەر-مەدبيكە ەكاتەرينا الەكساندروۆنا بارانوۆا 101 جاسقا تولدى، - دەپ حابارلايدى alnews.
ارداگەردى تۋعان كۇنىمەن قۇتتىقتاۋعا المالى اۋدانى اكىمدىگىنىڭ وكىلدەرى، اسكەري ءبولىمنىڭ جەكە قۇرامى، توتەنشە جاعدايلار دەپارتامەنتىنىڭ قىزمەتكەرلەرى، سونداي-اق قالالىق جانە اۋداندىق ارداگەرلەر كەڭەسىنىڭ وكىلدەرى كەلدى.
ەكاتەرينا الەكساندروۆنا 1925 جىلى 29 ماۋسىمدا دۇنيەگە كەلگەن. 1943 جىلدىڭ مامىرىنان 1945 جىلدىڭ جەلتوقسانىنا دەيىن 1-ۋكراينا مايدانىندا قىزمەت اتقارىپ، سۇرىپتاۋ گوسپيتالىندە مەدبيكە بولىپ جارالانعان جاۋىنگەرلەرگە كومەك كورسەتتى.
سوعىس جىلدارىنداعى ەرلىگى مەن جانقيارلىعى ءۇشىن ول II دارەجەلى «وتان سوعىسى» وردەنىمەن جانە ءبىرقاتار جاۋىنگەرلىك مەدالمەن ماراپاتتالعان. جەڭىستەن كەيىن مينيسترلەر كەڭەسىنىڭ اۋرۋحاناسىندا 39 جىلدان استام ۋاقىت ەڭبەك ەتىپ، بار عۇمىرىن مەديسينا سالاسىنا ارنادى.
كەزدەسۋ بارىسىندا قوناقتار ەكاتەرينا الەكساندروۆناعا جەڭىسكە قوسقان ۇلەسى مەن كوپ جىلعى ادال ەڭبەگى ءۇشىن العىس ايتىپ، زور دەنساۋلىق، اماندىق جانە ۇزاق عۇمىر تىلەدى.
ءوز كەزەگىندە ارداگەر كورسەتىلگەن قۇرمەت پەن ىستىق ىقىلاس ءۇشىن العىس ءبىلدىرىپ، ومىردەگى باستى ۇستانىمى ادامدارعا مەيىرىممەن قاراۋ جانە سالاۋاتتى ءومىر سالتىن ۇستانۋ ەكەنىن جەتكىزدى.
