قازاقستان ۇلتتىق بانكى مەملەكەت باسشىسىنىڭ باستاماسىمەن ىسكە قوسىلعان «ۇلتتىق قور – بالالارعا» باعدارلاماسى بويىنشا 18 جاسقا (قوسا العاندا) دەيىنگى بالالارعا ارنالعان كەزەكتى نىسانالى تالاپتاردىڭ بجزق-عا ەسەپتەلگەنىن حابارلادى.
«ۇلتتىق قور – بالالارعا» باعدارلاماسى اياسىندا 2025 جىلدىڭ قورىتىندىسى بويىنشا ءار بالانىڭ شوتىنا 130،71 اقش دوللارىنان ەسەپتەلدى. 2025 جىلدىڭ سوڭىندا باعدارلاماعا قاتىسۋشى بالا سانى 6 918 656 بولدى.
«ۇلتتىق قور – بالالارعا» باعدارلاماسى 2024 جىلى 1 قاڭتاردا ىسكە قوسىلدى. 2024 جىلى ءار بالاعا 100،52 اقش دوللارىنان بولىنگەن بولاتىن. 2025 جىلى 129،38 اقش دوللارى ەسەپتەلدى.
بالالارعا ەسەپتەلەتىن سوما جىل سايىن ۇلتتىق قوردىڭ ۇزاقمەرزىمدى ينۆەستيسيالىق تابىسىنىڭ جارتىسىنان جانە قورداعى ۆاليۋتا اكتيۆتەرىنىڭ كولەمىنە قاراي قالىپتاسادى. سونىمەن قاتار الدىڭعى جىلدارى بالالار شوتىنا ەسەپتەلگەن قاراجات بالا 18 جاسقا تولعانعا دەيىن ۇلتتىق قور پورتفەلىندە ينۆەستيسيالانا بەرەدى، سول ارقىلى قوسىمشا تابىس اكەلەدى.
ينۆەستيسيالىق تابىستىڭ كولەمىن ەسكەرگەندە، ءۇش جىلدان بەرى باعدارلاما ىسكە اسقالى جيناقتالعان جالپى سوما ءبىر بالاعا 370،56 اقش دوللارىن قۇرادى. ءتيىستى اقپاراتپەن ەلەكتروندى ۇكىمەتتىڭ eGov mobile ءموبيلدى قوسىمشاسىندا جانە kids.enpf.kz سايتىندا 2026 جىلعى 31 قاڭتاردا تانىسۋعا بولادى.
