شىمبۇلاق تاۋ كۋرورتىندا «الماتى بيىكتەن» اتتى ارت-پلەنەر ءوتتى، - دەپ حابارلايدى alnews.
ءىس-شارانى Almaty Tourism Bureau ۇيىمداستىردى. جوبا اياسىندا الماتىلىق سەگىز سۋرەتشى باس قوستى. ولاردىڭ قاتارىندا انار ابجانوۆا، اننا فيديركو، مارات قۇسايىنوۆ، ناعيما يبراشيەۆا جانە شىعارماشىلىق قاۋىمداستىقتىڭ وزگە دە وكىلدەرى بار. بۇل تۋرالى الماتى قالاسى تۋريزم باسقارماسىنىڭ وكىلدەرى حابارلادى.
كۇنى بويى قاتىسۋشىلار تابيعات اياسىندا سۋرەت سالىپ، ىلە الاتاۋىنىڭ كوركەم پانورامالارى مەن تاۋ پەيزاجدارىن شىعارمالارىنا ارقاۋ ەتتى. ءار سۋرەتشى قالانىڭ ەڭ تانىمال تۋريستىك ورىندارىنىڭ ءبىرىن وزىندىك كوزقاراسىمەن بەينەلەدى.
جوبا تۋريزم مەن شىعارماشىلىقتى توعىستىردى: تاۋ كۋرورتى اشىق اسپان استىنداعى شەبەرحاناعا اينالسا، تابيعات كورىنىستەرى جاڭا تۋىندىلاردىڭ نەگىزىنە اينالدى.
شىعارمالار شەبەرحانادا تولىق اياقتالعاننان كەيىن، ولار شىمبۇلاق اۋماعىندا وتەتىن قورىتىندى كورمەدە كوپشىلىك نازارىنا ۇسىنىلادى. كەلۋشىلەر الماتىنىڭ تاۋ بوكتەرىندەگى كوركىن زاماناۋي سۋرەتشىلەردىڭ كوزىمەن تاماشالاي الادى.
جوبانىڭ سەرىكتەسى – شىمبۇلاق تاۋ كۋرورتى.
