الماتى ورتالىق ازياداعى ەڭ تارتىمدى تۋريستىك باعىتتاردىڭ ءبىرى رەتىندەگى ورنىن نىعايتىپ كەلەدى. Mastercard Tourism Insights جانە D/AI Destinations حالىقارالىق تالداۋ پلاتفورمالارىنىڭ مالىمەتىنە سايكەس، 2026 جىلدىڭ ءبىرىنشى توقسانىندا الماتىعا ۇشاق بيلەتتەرىن ىزدەۋ سۇرانىستارى وتكەن جىلدىڭ وسى كەزەڭىمەن سالىستىرعاندا 71%-عا وسكەن. بۇل تۋرالى الماتى قالاسىنىڭ تۋريزم باسقارماسىنىڭ وكىلدەرى حابارلادى.
اسىرەسە، جۇڭگو (+166%)، اقش (+93%)، ۇلىبريتانيا (+85%) جانە وڭتۇستىك كورەيا (+75%) ەلدەرىنەن قىزىعۋشىلىق كوپتەپ تىركەلگەن.
سيفرلىق پىكىرلەردى تالداۋ قورىتىندىسى بويىنشا الماتىعا ساپارعا شىققان تۋريستەردىڭ جالپى قاناعاتتانۋ يندەكسى 82،6 بالل. باسقارما مالىمەتىنشە، قالاداعى كورىكتى ورىندار، قوناق ۇيلەر، مەيرامحانالار جانە قىسقا مەرزىمگە جالعا بەرىلەتىن ورنالاستىرۋ نىساندارى ەڭ جوعارى باعالانعان.
