2023-2029 جىلدارعا ارنالعان تۇرعىن ۇي-كوممۋنالدىق ينفراقۇرىلىمدى دامىتۋ تۇجىرىمداماسى اياسىندا الماتىدا تۇرعىن ۇيلەردى جاڭارتۋ جۇمىستارى ءجۇرىپ كەلەدى.
باعدارلامانىڭ نەگىزگى ماقساتى – ازاماتتار ءۇشىن قولايلى، ءقاۋىپسىز ءارى ەنەرگيا ءتيىمدى تۇرعىن ءۇي ورتاسىن قۇرۋ.
جاڭارتىلعان تۇرعىن ءۇي. فوتو: gov.kz
باعدارلاما بىرنەشە ماڭىزدى باعىتتان تۇرادى:
- كوپقاباتتى ۇيلەردى كۇردەلى جوندەۋ: شاتىر اۋىستىرۋ، جەرتولەلەردى جوندەۋ جانە ينجەنەرلىك جۇيەلەردى جاڭارتۋ بويىنشا تۇراقتى جۇمىستار جۇرگىزىلەدى.
- كوممۋنالدىق ينفراقۇرىلىمدى جاڭعىرتۋ: جىلۋ، سۋ جانە كارىز جۇيەلەرىن جاڭارتۋ ۇدەرىسىن وڭتايلاندىرىپ، كوممۋنالدىق جۇيەلەردىڭ ۇزدىكسىز جۇمىسىن قامتاماسىز ەتەدى.
2024 جىلى 100 كوپقاباتتى تۇرعىن ۇيدە كۇردەلى جوندەۋ جۇرگىزىپ، 100 جەدەلساتى جابدىقتارىن اۋىستىرۋ. بۇگىندە قول جەتكىزىلگەن ناتيجەلەر:
- 100 كوپقاباتتى ۇيدە جوندەۋ جۇمىستارىنا كەلىسىمشارتتار جاسالعان، ونىڭ ىشىندە:
- 46 ۇيدە جۇمىس اياقتالدى؛
-54 ۇيدە جوندەۋ جۇمىستارى جالعاسۋدا؛
- جەدەلساتى جابدىقتارىن اۋىستىرۋ بويىنشا: 45 ۇيدە 87 جەدەلساتى اۋىستىرۋعا كەلىسىمشارتتار جاسالدى، قازىرگى ۋاقىتتا:
- 3 ۇيدە 4 جەدەلساتى اۋىستىرىلدى؛
- 42 ۇيدە 83 جەدەلساتىنى اۋىستىرۋ جۇمىستارى جالعاسۋدا.
2011 جىلى تۇرعىن ءۇي قورىن جاڭعىرتۋ باعدارلاماسى باستالعاننان بەرى 1070 ءۇي جوندەۋدەن ءوتتى، 1023 ۇيدە 2155 جەدەلساتى اۋىستىرىلدى.
كۇردەلى جوندەۋدەن وتكەن ۇيلەردىڭ تۇرعىندارى ءومىر ءسۇرۋ ساپاسىنىڭ ايتارلىقتاي جاقسارعانىن ايتادى. تۇرعىندار ۇيلەرىنىڭ جايلىلىعى مەن قاۋىپسىزدىگى ارتقانىن، سونداي-اق زاماناۋي تەحنولوگيالاردىڭ ەنگىزىلۋىنە بايلانىستى ەنەرگيا شىعىندارىنىڭ تومەندەگەنىن ايتىپ وتىر.
باعدارلاما ەسكىرگەن تۇرعىن ۇيلەردىڭ پايدالانۋ مەرزىمىن ۇزارتۋعا عانا ەمەس، سونىمەن قاتار ەنەرگيا تيىمدىلىگىن ارتتىرۋعا جانە كوممۋنالدىق قىزمەتتەردىڭ ساپاسىن جاقسارتۋعا باعىتتالعان.
مەملەكەتتىك جاڭعىرتۋ باعدارلاماسى اياسىندا تۇرعىندار جوندەۋ جۇمىستارىن وتكىزۋ ءۇشىن ءوتىنىش بەرە الادى. ول ءۇشىن مەنشىك يەلەرىنىڭ 51% داۋىسىن جيناپ، ءوتىنىش بەرۋ قاجەت. جوندەۋ جۇمىستارىنىڭ قۇنى كوممۋنالدىق تولەمدەرگە قوسىلادى جانە مەملەكەتكە قايتارىمدى نەگىزدە وتەلەدى.
الماتى قالاسى كوممۋنالدىق ينفراقۇرىلىمدى دامىتۋ باسقارماسى
The Alnews
