«الاتاۋ» ءداستۇرلى ونەر تەاترىندا «قىز جىبەك» فيلمىندەگى باستى ءرولى ارقىلى كوپشىلىككە تانىلعان قازاقستاننىڭ حالىق ءارتيسى مەرۋەرت وتەكەشوۆانىڭ 75 جاس مەرەيتويىنا ارنالعان «قازاقتىڭ قىز جىبەگى» اتتى شىعارماشىلىق كەش ءوتتى، - دەپ حابارلاي alnews.
ءىس-شارا الماتى قالاسى اكىمدىگىنىڭ قولداۋىمەن ۇيىمداستىرىلدى.
«پاراسات» جانە «قۇرمەت» وردەندەرىنىڭ يەگەرى اتانعان اكتريسانىڭ مەرەيتويىنا وراي كونسەرتتىك جانە تەاترلاندىرىلعان باعدارلاما ازىرلەندى. كەشكە مەرۋەرت وتەكەشيەۆانىڭ ارىپتەستەرى، ونەردەگى شاكىرتتەرى مەن وزگە دە ونەرپازدار قاتىستى. كورەرمەندەرگە اكتريسانىڭ ءومىرى مەن شىعارماشىلىق جولى تۋرالى دەرەكتى بەينەروليك تە كورسەتىلدى.
كەش «الاتاۋ» تەاترى ارتيستەرىنىڭ ورىنداۋىنداعى «مەرەكە-دۋمان» حورەوگرافيالىق كومپوزيسياسىمەن اشىلدى. كۇلاش بايسەيىتوۆا اتىنداعى قازاق ۇلتتىق ونەر ۋنيۆەرسيتەتىنىڭ ستۋدەنتتەرى مەن «JAN» يممەرسيۆتى تەاترىنىڭ اكتەرلەرى تەاترلاندىرىلعان قويىلىم ۇسىندى.
مۇحتار اۋەزوۆ اتىنداعى قازاق ۇلتتىق دراما تەاترىنىڭ ارتيستەرى «قىز جىبەك» مۋزىكالىق دراماسىنان ءۇزىندى ورىندادى. سونىمەن قاتار ساحنادا مەرۋەرت وتەكەشوۆا سومداعان قاراگوز بەينەسى قايتا جاڭعىردى.
كەشتىڭ مۋزىكالىق باعدارلاماسىنا «جيزەل» بالەتىنەن اداجيو، «اققۋ» كۇيى، «ماحاببات مايدانى» ءانى جانە باسقا دا شىعارمالار ەندى. قازاقستاننىڭ ەڭبەك سىڭىرگەن قايراتكەرى تولقىن زابيروۆا ۇكىلى ىبىرايدىڭ «گاككۋ» ءانىن ورىندادى.
مەرەيتويلىق ءىس-شاراعا اكتريسانىڭ شاكىرتتەرى مەن ارىپتەستەرى دە قاتىسىپ، ونىڭ قازاق تەاترى مەن كينو ونەرىنىڭ دامۋىنا قوسقان ۇلەسىنە قۇرمەت كورسەتتى.
شىعارماشىلىق كەش «تەاتر – ءبىزدىڭ تاعدىرىمىز» كومپوزيسياسىمەن تۇيىندەلدى.
