29 شىلدە مەن 9 تامىز ارالىعىندا ەلوردا Samruk-Kazyna قولداۋىمەن وتەتىن اۋقىمدى حالىقارالىق «بولاشاق ويىندارى 2026» (GOTF 2026) ءتۋرنيرىن قابىلدايدى، - دەپ حابارلايدى alnews.
وسى اۋقىمدى سپورتتىق-سيفرلىق ءىس-شارانىڭ باستى تەحنولوگيالىق سەرىكتەسى ەلىمىزدىڭ ەڭ ءىرى تەلەكوممۋنيكاسيالىق وپەراتورى – «قازاقتەلەكوم» اق بولادى. ۇلتتىق وپەراتور كومانداسى جارىس وتەتىن بارلىق الاڭداردى ءوزارا بايلانىستىراتىن جانە قاتىسۋشىلار مەن ۇيىمداستىرۋشىلارعا، سونداي-اق الەمنىڭ تۇكپىر-تۇكپىرىندەگى ميلليونداعان كورەرمەنگە ۇزدىكسىز بايلانىس ۇسىناتىن جوعارى جىلدامدىقتى سيفرلىق ينفراقۇرىلىمدى قامتاماسىز ەتپەك.
12 كۇن بويى 50-دەن استام ۇلتتىڭ وكىلدەرىنەن قۇرالعان 800-دەن استام سپورتشى مەن كيبەرسپورتشى حالىقارالىق كلۋبتارعا بىرىگىپ، جالپى جۇلدە قورى 4 ميلليون اقش دوللارىنان اساتىن سىياقىنى ساراپقا سالادى.
قازاقستان اتىنان ءتۋرنيردىڭ بارلىق سەگىز تۇرىنەنونەر كورسەتەتىن 11 كوماندا قاتىسادى.
قاتىسۋشىلاردى، رەسمي دەلەگاسيالار مەن جارىس قوناقتارىن قارسى الىپ، ولاردىڭ جۇمىسىن ۇيلەستىرۋگە ارنايى دايىندىقتان وتكەن 1300-دەن استام ەرىكتى جۇمىلدىرىلادى.
ءتۋرنيردىڭ اشىلۋ سالتاناتى 29 شىلدەدە «بارىس ارەنا» مۇز سارايىندا وتەدى. كورەرمەندەردى تانىمال قازاقستاندىق ارتىستەردىڭ ونەرىن جاساندى ينتەللەكت گرافيكاسى، جارىق پروەكسيالارى، LED-ينستاللياسيالار جانە روبوتوتەحنيكامەن ۇيلەستىرەتىن اۋقىمدى شوۋ كۇتەدى.
ودان كەيىن نەگىزگى جارىستار «بارىس ارەنادا»، سونداي-اق استاناداعى «Qazaqstan» جەڭىل اتلەتيكا سپورت كەشەنىندە، جاقسىلىق ۇشكەمپىروۆ اتىنداعى جەكپە-جەك سارايىندا جانە Beeline Arena تەننيس ورتالىعىندا وتەدى.
جارىستاردى تريبۋنادان تاماشالاي المايتىن كورەرمەندەر ءۇشىن Qazsport تەلەارناسى «قازاقتەلەكومنىڭ» تەحنيكالىق مۇمكىندىكتەرىنىڭ ارقاسىندا بارلىق وقيعانى تىكەلەي ەفيردە ۇزدىكسىز كورسەتەدى.
فيدجيتال سپورتتىڭ ەرەكشەلىگى – ءداستۇرلى سپورت پەن بەينەويىنداردى بىرىكتىرۋىندە. كوماندالار اۋەلى ۆيرتۋالدى الاڭدا سىنعا ءتۇسىپ، كەيىن ناقتى سپورتتىق الاڭدا جارىستى جالعاستىرادى. جەڭىمپاز ەكى كەزەڭدەگى ناتيجەلەردىڭ جيىنتىعى بويىنشا انىقتالادى. تۋرنير باعدارلاماسىنا ەلىمىزدىڭ ءىرى برەندتەرى مەن سەرىكتەستەرى قولداۋ كورسەتەتىن سەگىز ديسيپلينا ەنگەن:
· Phygital Football UFL Presented by Samruk-Kazyna؛
· Phygital Basketball Presented by Halyk Fund؛
· Phygital Fighting Presented by Kazzinc؛
· Phygital Dancing Presented by Solidcore Resources؛
· Phygital Shooter CS2 Presented by Yandex GO؛
· Battle Royale – PUBG: BATTLEGROUNDS Presented by Alatau City Bank؛
· MOBA PC Dota 2 Presented by CenterCredit؛
· MOBA Mobile MLBB Presented by FREEDOM.
تۋرنيرگە دايىندىق مەملەكەتتىك ورگاندار، حالىقارالىق سپورت ۇيىمدارى، سەرىكتەستەر جانە مىڭداعان ماماننىڭ قاتىسۋىمەن جۇرگىزىلۋدە.
Samruk-Kazyna قولداۋىمەن وتەتىن «بولاشاق ويىندارى 2026» (GOTF 2026) حالىقارالىق ءتۋرنيرىن وتكىزۋ حالىقارالىق فيدجيتال قوزعالىسىنىڭ دامۋىنا جاڭا سەرپىن بەرىپ، قازاقستاننىڭ الەمدىك دەڭگەيدەگى ءىرى سپورتتىق ءىس-شارالاردى ۇيىمداستىرۋداعى جوعارى الەۋەتىن كورسەتەدى. ال وسىنداي تەحنولوگيالىق تۇرعىدان كۇردەلى جوبانى «قازاقتەلەكوم» اق-نىڭ ينفراقۇرىلىمدىق تۇرعىدان قولداۋى وتاندىق تەلەكوممۋنيكاسيالىق ينفراقۇرىلىمنىڭ سپورت پەن جوعارى تەحنولوگيالار توعىسىنداعى اۋقىمدى حالىقارالىق ءىس-شارالاردى ساپالى قامتاماسىز ەتۋگە تولىق دايىن ەكەنىن تاعى ءبىر مارتە دالەلدەيدى.
جارىستىڭ بارلىق كۇندەرىنە ارنالعان بيلەتتەر Freedom Ticketon پلاتفورماسىندا جانە Freedom SuperApp ءموبيلدى سۋپەرقوسىمشاسىندا ساتىلىمعا شىقتى.
